ԵՐԵՎԱՆ, 27 օգոստոսի./Նովոստի–Արմենիա/. Նախօրեին՝ օգոստոսի 26-ին, ողբերգական ավտովթար է տեղի ունեցել Լոռու մարզում։
Shamshyan.com–ի հաղորդմամբ, ժամը 21։15-ի սահմաններում Վանաձոր-Գյումրի ավտոճանապարհի՝ Հարթագյուղ գյուղի վարչական տարածքում, բախվել են Mercedes և ՎԱԶ 21099 մակնիշի ավտոմեքենաները։
Բախման հետևանքով 1 մարդ տեղում մահացել է, իսկ ՎԱԶ 21099-ն էլ դուրս է եկել ճանապարհի երթևեկելի գոտուց, գլխիվայր շրջվելով, հայտնվել դաշտում։
Загружается новость ... "Лево"
Ոստիկանությունն ու քննչական բաժինը պարզում են մահացածի և վարորդների ինքնությունը։
Կայքի հաղորդմամբ, դեպքի վայրում հավաքվածները նշել են, որ մահացածը Լոռու մարզի Լանջաղբյուր գյուղի բնակիչ 25-ամյա Ռ. Խաչատրյանն էր, ով ՎԱԶ 21099-ի վարորդն է եղել։ Ոստիկաններն ու քննիչները պարզում են այդ տեղեկությունը։
Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ)։–0–
