Մարզերից մեկում 22–ամյա երիտասարդ է ինքնասպան եղել` թողնելով նամակ

ԵՐԵՎԱՆ, 21 հունվարի./Նովոստի–Արմենիա/. Երեկ՝ հունվարի 20-ին, ողբերգական դեպք է տեղի ունեցել հանրապետոթյան մարզերից մեկում։

Shamshyan.com–ի հաղորդմամբ, ժամը 22։30-ի սահմաններում մարզի բժշկական կենտրոններից մեկից ահազանգ է ստացվել ոստիկանության տարածքային բաժին, որ շտապօգնության հերթապահ խումբը կանչով մեկնել է գյուղերից մեկի տուն, որտեղ դաշտամիջյան հատվածում ծառից կախված հայտնաբերել է տղամարդու դի։

Ոստիկաններն ու քննիչները պարզել են, որ 22-ամյա Գ. Ղ-ն ինքնասպան է եղել` հակի թելով կախվելով ծիրանենուց։

 Կայքի  հաղորդմամբ, ոստիկաններն ու քննիչները նրա կողմից շահագործվող ավտոմեքենայի վրա հայտնաբերել են նամակ, որում գրված է եղել. «Ես գնում եմ, իմ մահվան մեջ ոչ ոքի չմեղադրեք, Հովուլիս ու իմ Գայիս լավ կնայեք, ես հոգնել եմ կյանքիցս, իմ միջի սատանան չի թողնում, որ ես կարողանամ ապրել, իմ կյանքը պրծնում է, կներեք ինձ իմ ծնողներ, ես Ձեզ շատ եմ սիրում, լավ մնացեք, ապրեք երջանիկ»:

Տեղում դատաբժիշկը, զննելով դին, հայտնել է, որ արտաքին զննությամբ դիակի վրա բռության հետքեր չեն հայտնաբերվել։ Փաստի առթիվ քննչական վարչությունում նյութեր են նախապատրաստվում, նշանակվել են մի շարք փորձաքննություններ, այդ թվում՝ դիակի դատաբժշկական և ձեռագրաբանական։–0–