ՀՀ ոստիկանությունը բերման է ենթարկել և ձերբակալել ԱԺ և կառավարության շենքերում բողոքի ակցիայի մասնակիցներին (ՎԻԴԵՈ)

ԵՐԵՎԱՆ, 10 նոյեմբերի․ /Նովոստի-Արմենիա/․ Նոյեմբերի լույս 10-ի գիշերը ՀՀ Կառավարության, Ազգային ժողովի վարչական շենքերում, կառավարական կեցավայրում և այլ վայրերում հակաիրավական վարքագիծ դրսևորած որոշ անձանց գործողությունների առթիվ իրականացվում են մի շարք միջոցառումներ։ Այս մասին հայտնում է ՀՀ ոստիկանության մամուլի ծառայությունը։

«Ձեռնարկվում են անհրաժեշտ միջոցառումներ՝ հակաիրավական վարքագիծ դրսևորած մյուս անձանց ինքնությունը պարզելու և նրանց հայտնաբերելու ուղղությամբ»,- ասվում է հաղորդագրության մեջ։-0-