Եղվարդում ավտոմեքենա է այրվել

ԵՐԵՎԱՆ, 31 հունվարի./Նովոստի-Արմենիա/. Նախօրեին ավտոմեքենա է այրվել Եղվարդում, հաղորդում է ՀՀ ԱԻՆ Փրկարար ծառայությունը:

Ժամը 09:23-ին Կոտայքի մարզային ճգնաժամային կառավարման կենտրոն տեղեկություն է ստացվել, որ Եղվարդ քաղաքի Չարենցի փողոցում՝ «Եղվարդ» սուպերմարկետի մոտակայքում, այրվում է ավտոմեքենա:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Հրդեհը մեկուսացվել է ժամը 09:31-ին, մարվել՝ 09:52-ին: Այրվել է «Volkswagen Golf» մակնիշի ավտոմեքենայի (վարորդ` Ա. Պ.) շարժիչի հատվածը։-0-