ԵՐԵՎԱՆ, 6 նոյեմբերի./Նովոստի–Արմենիա/. «Մերսեդես» մակնիշի ավտոմեքենայի չորս ուղևորները տեղում մահացել են նախօրեին երեկոյան Երևանի Բաղրամյան պողոտայում տեղի ունեցած ավտովթարի հետևանքով։
Ինչպես հաղորդում է ՀՀ ոստիկանության մամուլի ծառայությունը, նոյեմբերի 5-ին, ժամը 20.50-ին, Երևանի Բաղրամյան պողոտայում իրար են բախվել «Մերսեդես», «Սուզուկի» և «Օպել» մակնիշի մեքենաներ, ինչի հետևանքով «Մերսեդեսի» չորս ուղևորները տեղում մահացել են, իսկ վարորդը և ուղևորներից մեկը, «Սուզուկիի» վարորդը, ուղևորը և «Օպելի» վարորդը մարմնական վնասվածքներով տեղափոխվել են հիվանդանոց:
Կատարվում է նախաքննություն:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում