412.94
6.7
405.96
+29
Եղանակը Երևանում
Հայ

180.000 դոլար, ատրճանակ ու հաշիշ. ՀՀ-ում օրենքով գողեր են ձերբակալվել (ՎԻԴԵՈ)

23:15
06 Հուլիսի 2022

ԵՐԵՎԱՆ, 6 հուլիսի./Նովոստի-Արմենիա/. ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրեական գործով իրականացված քննչական և դատավարական այլ մեծածավալ գործողությունների, ինչպես նաև ՀՀ ազգային անվտանգության ծառայության աշխատակիցների կողմից իրականացված օպերատիվ-հետախուզական միջոցառումների արդյունքում պարզվել են «Պաշի տղա Սուրո Լեննականսկի» մականվամբ հայտնի, քրեական աստիճանակարգության բարձրագույն կարգավիճակ ունեցող անձի կողմից քրեական ենթամշակույթ կրող խմբավորում ստեղծելու և ղեկավարելու դեպքի մի շարք հանգամանքներ, հաղորդում է ՀՀ ՔԿ-ն:

Քննությամբ փաստական տվյալներ են ձեռք բերվել այն մասին, որ «օրենքով գողի» քրեական աստիճանակարգության բարձրագույն կարգավիճակ ունեցող, «Պաշի տղա Սուրո Լեննականսկի» մականունով հայտնի անձն իր կողմից ստեղծած և ղեկավարվող քրեական ենթամշակույթ կրող խմբավորման անդամ Էդմոնդ Գրիգորյանից տեղեկանալով նույն խմբավորման անդամ հանդիսացող Արմեն Վարոսյանին և վերջինիս եղբորը՝ քրեական հեղինակության կարգավիճակ ունեցող Կարեն Վարոսյանին պատկանող գիշերային ակումբում տեղի ունեցած ծեծկռտուքի, իսկ դրանից հետո ծեծկռտուքի մասնակիցներից մեկին՝ իրենց աշխատասենյակում եղբայրների կողմից ծեծի ենթարկելու մասին՝ 2021 թվականի օգոստոսի 19-ին Գյումրի քաղաքի Գ.Նժդեհի փողոցում գտնվող տարածքում հիշյալ խմբավորման անդամների հետ կատարել է դեպքի հանգամանքների վերաբերյալ պարզաբանումներ: Այդ ընթացքում «Պաշի տղա Սուրո Լեննականսկի» մականվամբ հայտնի անձը ներկաներին հանձնարա¬րականներ է տվել՝ Շիրակի մարզի Գյումրի քաղաքում տեղի ունեցած մասնավոր հարցերին առնչվող վեճերը լուծել բացա¬ռապես քրեական աստիճանակար¬գության բարձրագույն կարգավիճակ ունե¬¬ցող անձանց դիմե¬լու միջոցով. հանձնարարել է բոլորին փոխանցել, որ խուլիգանություն կատարող անձինք պատասխան են տալու քրեական աստիճանակարգության բարձրագույն կարգավիճակ ունեցող անձանց, իսկ խմբավորման անդամները կատարել են վերջինիս պա¬հանջը՝ այդ կերպ մասնակցելով քրեական ենթամշակույթ կրող խմբավոր¬մանը և ներգրավ¬վելով դրա կողմից հետապնդվող նպատակների իրակա¬նացմանը։

Ձեռք բերված տվյալների համաձայն՝ նույն օրը՝ ժամը 21:30-ի սահմաններում, Գյումրի քաղաքի Չայկովսկի և Թամանյան փողոցների հատման խաչմերուկում գտնվող շինությունում «Պաշի տղա Սուրո Լեննականսկի» մականվամբ հայտնի անձի կողմից կատարված պարզաբանման վերաբերյալ խոսակցության ժամանակ խմբավորման անդամներ Ցոլակ Գևորգյանը և Արմեն Վարոսյանը Կարեն Վարոսյանին են փոխանցել վերոնշյալ հանձնարա¬րականը, որից հետո վերջինս իր անհամաձայնությունն է հայտնել նշված հանձնարա¬րականի հետ կապված՝ նշելով, որ ինքը շարունակելու է ապրել քրեական ենթամշակույթի համապարտադիր կանոններով և դրանց համաձայն լուծումներ տալ իրեն դիմած անձանց խնդիրներին:

Այնուհետև, «Պաշի տղա Սուրո Լեննականսկի» մականվամբ անձը քրեական ենթամշակույթ կրող խմբավորման անդամների միջոցով, վերջիններիս գործողությունների հստակ դերաբաշխման եղանակով, կազմակերպել է տարբեր անձանցից, ինչպես նաև ՀՀ արդարադատության նախարարության «Արմավիր», «Սևան» և այլ քրեակատարողական հիմնարկներից դրամական միջոց¬ների հավաքագրումը և տնօրինել քրեական ենթամշակույթ կրող խմբավորման միջոցով ստացված անօրինական օգուտը: Մասնավորապես, դերա¬բաշխման համաձայն՝ խմբավորման անդամներից մեկը, 2022 թվականի հունվարի 9-ին ստանալով հավաքագրված՝ ընդհանուր 4.595.000 ՀՀ դրամ գումարը, Գյումրի քաղաքում այն փոխանցել է խմբավորման անդամներ Ռաֆիկ Իգիթյանին և Ցոլակ Գևորգյանին, ովքեր ստացված գումարը հաշվելուց հետո հեռախոսազանգի միջոցով դրա չափի վերաբերյալ հաշվետվություն են ներկայացրել «Պաշի տղա Սուրո Լեննականսկի» մականվամբ անձին:

Վերջինս Ռաֆիկ Իգիթյանին հանձնարարել է իր մոտ պահվող գումարներից 5000 ԱՄՆ դոլարը փոխանցել «Զապի եգան Արտյոմ Լեննականսկի» մականվամբ հայտնի անձին՝ քրեակա¬տա¬րողական հիմնարկից ազատվելու կապակցությամբ, որից հետո, նույն օրը՝ ժամը 18:00-ի սահմաններում, Իգիթյանը «Զապի եգան Արտյոմ Լեննականսկի» մականվամբ հայտնի անձի բնակության վայրում նրան է փոխանցել նշված գումարը:

Այնուհետև, 2022 թվականի մարտի 7-ին «Պաշի տղա Սուրո Լեննականսկի»-ն հավա-քագրված գումարների շարժի «հաշվապահությունը վարող» Ռաֆիկ Իգիթյանին և քրեական ենթամշակույթ կրող խմբավոր¬ման մեկ այլ անդամի հրահանգել է հանցա-վոր աշխարհում ձևավորված ավանդույթի համաձայն՝ հոր մահվան կապակցությամբ, 10.000 ԱՄՆ դոլար գումար փոխանցել «Զապի եգան Արտյոմ Լեննականսկի» մականվամբ հայտնի անձին: Իգիթյանը հեռախոսազանգի միջոցով կապ է հաստատել որդու՝ Աշոտ Իգիթյանի հետ, հրահանգել գումարների պահման թաքստոցից վերցնել 10.000 ԱՄՆ դոլար և տեղափոխել իր մատնանշած վայր: Աշոտ Իգիթյանը, ևս մասնակցելով նշված խմբավոր¬մանը, թաքստոցից վերցրել է գումարը, տեղափոխել է մատնանշված վայր ու փոխանցել հորը, որից հետո վերջինս և Ցոլակ Գևորգյանը, «Զապի եգան Արտյոմ Լեննականսկի» մականվամբ հայտնի անձին են փոխանցել նշված գումարը:

Քրեական գործի շրջանականերում օրենքով սահմանված կարգով իրականացված խուզարակությամբ՝ Ռաֆիկ Իգիթյանի բնակարանի նկուղում քողարկված և թաքստոցի մեջ պահված չհրկիզվող պահարանից հայտնաբերվել է 180.000 ԱՄՆ դոլար, Կարեն Վարոսյանի բնակարանից՝ «Բերետա» տեսակի ատրճանակ և 8 փամփուշտ, իսկ «Զապի եգան Արտյոմ Լեննականսկի» մականվամբ հայտնի անձի բնակարանից՝ «հաշիշի յուղ» տեսակի թմրամիջոցի նմանվող զանգված:

Ձեռք բերված բավարար ապացույցների համակցությամբ՝ «Պաշի տղա Սուրո Լեննականսկի» մականունով հայտնի անձի նկատմամբ քրեական հետապնդում է հարուցվել՝ ՀՀ քրեական օրենսգրքի 323-րդ հոդվածի 2-րդ մասի 5-րդ կետով (Քրեական ենթամշակույթ կրող խմբավորում ստեղծելը կամ ղեկավարելը), Էդմոնդ Գրիգորյանի, Աշոտ Իգիթյանի, Ռաֆիկ Իգիթյանի, Արմեն Վարոսյանի նկատմամբ՝ ՀՀ քրեական օրենսգրքի 324-րդ հոդվածի 1-ին մասով (Քրեական ենթամշակույթ կրող խմբավորմանը մասնակցելը կամ ներգրավելը), «Զապի եգան Արտյոմ Լեննականսկի», մականվամբ հայտնի «օրենքով գողի», Կարեն Վարոսյանի նկատմամբ՝ ՀՀ քրեական օրենսգրքի 322-րդ հոդվածի 1-ին մասով (Քրեական աստիճանակարգության բարձրագույն կարգավիճակ տալը կամ ստանալը կամ պահպանելը):

Նրանցից 6-ի նկատմամբ քրեական հետապնդում է հարուցվել, վերջիններս ձերբակալվել են:
Նախաքննությունը շարունակվում է:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ,քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
22:08
17 Օգոստոսի 2022
Երևանում միկրոավտոբուս է այրվել (ՖՈՏՈ)
Երևանում միկրոավտոբուս է այրվել. ՖՈՏՈ
17:55
17 Օգոստոսի 2022
«Սուրմալու»-ի պայթյունի վայրում շարունակվում են որոնողական աշխատանքները (ՎԻԴԵՈ)
«Սուրմալու»-ի պայթյունի վայրում շարունակվում են որոնողական աշխատանքները, շենքի հարակից տարածքն ամբողջությամբ մաքրված է (ՎԻԴԵՈ)
14:04
17 Օգոստոսի 2022
Հեղուկ գազով բեռնված մեքենա է այրվում, առկա է պայթյունի վտանգ. ահազանգ ԱԻՆ-ում (ՖՈՏՈ)
Հեղուկ գազով բեռնված մեքենա է այրվում, առկա է պայթյունի վտանգ. ահազանգ ԱԻՆ-ում. ՖՈՏՈ
14:02
17 Օգոստոսի 2022
Կնոջ դին գտել են ՝ գլխի վնասվածքներով. նոր մանրամասներ խեղդամահ արված կնոջ սպանությունից
Կնոջ դին գտել են  ՝ գլխի վնասվածքներով. նոր մանրամասներ խեղդամահ արված կնոջ սպանությունից
12:33
17 Օգոստոսի 2022
Հուլիսի 25-ին դուրս է եկել աշխատանքի վայրից. 31-ամյա Խաչատուր Քեշիշյանը որոնվում է որպես անհետ կորած (ՎԻԴԵՈ)
Հուլիսի 25-ին դուրս է եկել աշխատանքի վայրից. 31-ամյա Խաչատուր Քեշիշյանը որոնվում է որպես անհետ կորած. ՎԻԴԵՈ
21:49
16 Օգոստոսի 2022
Սարսափելի դեպք Երևանում. 3 տղամարդ խեղդամահ են արել 46-ամյա կնոջը
Սարսափելի դեպք Երևանում. 3 տղամարդ խեղդամահ են արել 46-ամյա կնոջը
14:02
16 Օգոստոսի 2022
«Զվարթնոց» օդանավակայանում պայթուցիկ է տեղադրված. ահազանգ ԱԻՆ-ում
«Զվարթնոց» օդանավակայանում պայթուցիկ է տեղադրված. ահազանգ ԱԻՆ-ում
12:37
16 Օգոստոսի 2022
«Սուրմալու»-ի պայթյունի հետևանքով 16 զոհերից 14-ի ինքնությունը հայտնի է, անհետ կորած է համարվում 8 քաղաքացի
«Սուրմալու»-ի պայթյունի հետևանքով 16 զոհերից 14-ի ինքնությունը հայտնի է, անհետ կորած է համարվում 8 քաղաքացի
10:24
16 Օգոստոսի 2022
«Սուրմալու»-ի պայթյունի հետևանքով զոհերի թվում են մանկահասակ երեխա և հղի կին, զոհերի ընդհանուր թիվը 16 է
«Սուրմալու»-ի պայթյունի հետևանքով զոհերի թվում են մանկահասակ երեխա և հղի կին, զոհերի ընդհանուր թիվը 16 է
01:07
16 Օգոստոսի 2022
Պայթյունի հետևանքով զոհերի թիվը հասավ 10-ի
Որոնողա-փրկարարական աշխատանքները շարունակվում են
23:26
15 Օգոստոսի 2022
Փլատակների տակից դուրս է բերվել եւս մեկ դի, զոհերի ընդհանուր թիվը 8 է
Փլատակների տակից դուրս է բերվել եւս մեկ դի, զոհերի ընդհանուր թիվը 8 է