ԵՐԵՎԱՆ, 19 հուլիսի. /Նովոստի-Արմենիա/. Ուրբաթ գիշերը Շերեմետևո օդանավակայանում Boeing օդանավի արտակարգ վայրէջքից տուժածներից հիվանդանոցում մնացել է միայն մեկ մարդ: Այդ մասին հայտնում է Интерфакс-ը` հղում անելով Մերձմոսկովյան առաղջապահության նախարարությանը:
Նրա առողջական վիճակը գնահատվում է բավարար:
Загружается новость ... "Лево"
Ընդհանուր առմամբ, բժշկական օգնության կարիք են ունեցել օդանավի 8 ուղևորներ, այդ թվում` մեկ երեխա: Նրանցից 6-ին բուժօգնությունը ցուցաբերվել է տեղում, երկուսին տարել են Խիմկիների մարզային հիվանդանոց, որոնցից մեկին հետո տուն են ուղարկել:
Ուրբաթ լույս գիշերը թռիչքուղի մտնելիս ղեկավարման ժամանակ Boeing-747 օդանավի անձնակազմն ազդանշան է տվել օդաչուի սրահում ծխի առկայության մասին։ Օդանավը դադարեցրել է թռիչքը, ուղևորները տարհանվել են օդանավասանդուղքներով և տեղափոխվել օդանավակայան։ Տարհանման ժամանակ տուժել է ութ մարդ։
Օդանավում գտնվել է 173 ուղևոր և անձնակազմի վեց անդամ:-0-