ԵՐԵՎԱՆ, 26 նոյեմբերի./Նովոստի–Արմենիա/. Նախօրեին գիշերը Գյումրիում ընտանիքի 5 անդամները հոսպիտալացվել են թունավորման ախտանիշներով։
Загружается новость ... "Лево"
ՀՀ ոստիկանության մամուլի ծառայության հաղորդմամբ, նոյեմբերի 25-ին ժամը 02.55-ի, հիվանդանոցից ոստիկանության Կումայրիի բաժանում հաղորդում է ստացվել, որ «սուր էկզոգեն թունավորում շմոլ գազից» ախտորոշմամբ բուժօգնության են տեղափոխվել Մազմանյան փողոցի թիվ 313/Ա տան բնակիչներ 1943 թ. ծնված Սիլվարդ Պ.-ն, 1966 թ. ծնված Սամվել Մ.-ն, 2000 թ. ծնված Անահիտ Մ.-ն, 1964 թ. ծնված Գոհարիկ Վ.-ն և 1966 թ. ծնված Անուշ Վ.-ն:
«Մեկնած օպերատիվ խմբին Սիլվարդ Պ.-ն հայտնել է, որ թունավորվել են իրենց տան խոհանոցում տեղադրված ջրատաքացուցիչից շմոլ գազի արտահոսքի հետևանքով», – նշվում է հաղորդագրության մեջ։
Նշանակվել է դատաբժշկական փորձաքննություն։ Նախապատրաստվում են նյութեր:–0–