ԵՐԵՎԱՆ, 11 նոյեմբերի./Նովոստի–Արմենիա/. Երևանում շուրջ 10 մարդ բերման է ենթարկվել Գորիս–Կապան ճանապարհին ադրբեջանական մաքսային կետերի դեմ բողոքի ակցիայի ընթացքում։
Загружается новость ... "Лево"
Այս մասին հայտարարեց «Հայաստան» ընդդիմադիր խմբակցության պատգամավոր, ՀՅԴ ներկայացուցիչ Գեղամ Մանուկյանը։
Նախօրեին ԱԽ քարտուղար Արմեն Գրիգորյանը հայտարարեց, որ Ադրբեջանն նոյեմբերի 11–ի գիշերը ժամը 12–ից սկսած Գորիս–Կապան ճանապարհին կտեղադրի սահմանային և մաքսային հսկողության կետեր։ Փաշինյանն իր հերթին նշեց, որ Գորիս–Կապան հատվածում Հայաստանը նույնպես ըստ անհրաժեշտության անցման տեղերում կտեղադրի մաքսային, անձնագրային հսկողության կետեր։
Մանուկյանի խոսքով, մեքենան, որը տեղափոխելիս է եղել բերման ենթարկվածներին, ենթարկվել է ավտովթարի, ինչի հետևանքով վատացել է բերման ենթարկվածներից մեկի ինքնազգացողությունը, որը ազատամարտիկ է։
Պատգամավորը հայտարարեց, որ ընդդիմադիր պատգամավորները կմեկնեն ոստիկանական բաժանմունքներ։ Ժամը 14։00–ին ԱԺ–ում նախաձեռնվել է Մարդու իրավունքների մշտական հանձնաժողովի նիստ` Գորիս–Կապան ճանապարհին ստեղծված իրավիճակը քննարկելու համար։–0–
