Ավազակային հարձակում Երևանի խանութներից մեկում. տղամարդը մտել է, սպառնացել ու պահանջել գումար (ՎԻԴԵՈ)
10:37
14 Հուլիսի 2021
ԵՐԵՎԱՆ, 14 հուլիսի./Նովոստի–Արմենիա/. Մայիսի 29-ին, գիշերվա ժամը չորսին մոտ, ոստիկանություն էր զանգել մայրաքաղաքի Հերացու փողոցի խանութներից մեկի վաճառողը և հայտնել, որ քիչ առաջ դիմակով մի մարդ մտել է խանութ, զենքի նմանվող առարկայով սպառնացել ու պահանջել գումար, սակայն այդ պահին հաճախորդ է մտել, և նա փախել է, հաղորդում է ՀՀ ոստիկանության մամուլի ծառայությունը:
Загружается новость ... "Лево"
Մեկնել էին ոստիկանության Կենտրոնական բաժնի, Մարաշի բաժանմունքի աշխատակիցներ, նաև` փորձագետ ու շնավարժ: Ձեռնարկվել էին անհետաձգելի միջոցառումներ, սակայն հանցագործությունը թարմ հետքերով բացահայտել չէր հաջողվել:
«Ոստիկանության Երևան քաղաքի վարչության, Կենտրոնական բաժնի և Մարաշի բաժանմունքի քրեական հետախույզները, իրացնելով օպերատիվ տվյալները և համագործակցելով քննչական բաժնի ծառայողների հետ, պարզեցին, որ ավազակային հարձակումը կատարել էր մայրաքաղաքի Արցախի փողոցի բնակիչ, 27-ամյա մի երիտասարդ: Հուլիսի 9-ին նա հայտնաբերվեց Արցախի փողոցում, բերման ենթարկվեց Մարաշի բաժանմունք և ձերբակալվեց», – նշվում է գերատեսչության հաղորդագրության մեջ:
