Ողբերգական դեպք Արթիկում. ավտոտնակում հայտնաբերվել են 26-ամյա տղայի և 18-ամյա աղջկա դիեր

ԵՐԵՎԱՆ, 25 փետրվարի./Նովոստի-Արմենիա/. Նախօրեին՝ փետրվարի 24-ին, ողբերգական դեպք է տեղի ունեցել Շիրակի մարզում:
Shamshyan.com-ի հաղորդմամբ, ժամը 18:00-ի սահմաններում ՀՀ Ներքին գործերի նախարարության ոստիկանության Շիրակի մարզային վարչություն, միաժամանակ ՀՀ ՆԳՆ Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Արթիկ քաղաքի Շինարարների փողոցում գտնվող ավտոտնակի ներսում հավանաբար կան քաղաքացիներ, ովքեր չեն արձագանքում դռան թակոցին և հեռախոսազանգերին:

Մինչ հրշեջների կանչի վայր հասնելը տեղի ուժերով բացվել է ավտոտնակի դուռը, որտեղ հայտնաբերվել են կայանված Mercedes մակնիշի ավտոմեքենա:

Կայքի տեղեկություններով, ավտոմեքենայի հետևի նստատեղին հայտնաբերվել է տղամարդու դի, իսկ ավտոմեքենայի կողքին՝ գետնին, աղջկա դի:

Դեպքի փաստով սպանության հատկանիշներով նախաձեռնվել քրեական վարույթ:

Ոստիկանությունն ու քննչական բաժինը պարզում են մահացածների ինքնությունը:

Կայքի տեղեկություններով, մահացածները Շիրակի մարզի բնակիչներ 26-ամյա Սարգիս Ա.-ն է և 18-ամյա Ազատուհի Հ.-ն:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։-0-