Turkish Airlines ընկերությունը մեկ շաբաթով չեղյալ է հայտարարել չվերթերը դեպի Շարմ էլ Շեյխ
20:45
09 Նոյեմբերի 2015
ԵՐԵՎԱՆ, 9 նոյեմբերի. /Նովոստի–Արմենիա/. Turkish Airlines թուրքական ազգային ավիափոխադրողը հայտարարել է մեկ շաբաթվա ընթացքում դեպի Շարմ էլ Շեյխ չվերթները չեղյալ հայտարարելու մասին։
Ավելի վաղ Turkish Airlines–ը ՌԻԱ Նովոստիին հայտնել էր Շարմ էլ Շեյխի օդանավակայան անվտանգության մասնագետներ ուղարկելու մասին, ովքեր պետք է գնահատեին օդանավակայանի ընթացիկ վիճակը։ Ասվել էր նաև գիշերային չվերթերը չեղյալ հայտարարելու մասին։
«Turkish Airlines–ի ինքնաթիռների թռիչքը դեպի Շարմ էլ Շեյխ դադարեցվել են նոյեմբերի 16–ից` անվտանգության ապահովման նկատառումներից ելնելով»,– ասվում է ավիաընկերության հաղորդման մեջ։
Turkish Airlines–ի ուղևորները Շարմ էլ Շեյխից Թուրքիա են ժամանել Ամմանի հետ կցված չվերթով, հայտնում է ավիաընկերությունը։
Ռուսական և խորհրդային ավիացիայի պատմության ամենախոշոր ավիավթարն է տեղի ունեցել հոկտեմբերի 31–ին` «Կոգալիմավիա» ավիաընկերության Airbus-321 օդանավը, որն իրականացնում էր Շարմ էլ Շեյխ–Սանկտ Պետերբուրգ չվերթը, կործանվել է Սինայում։ Օդանավում գտնվող 217 ուղևորները և անձնակազմի յոթ անդամները զոհվել են։ -0-
Նախքան ֆինանսական շուկայում գործարքներ սկսելը, ներդրողը պետք է մշակի գործողությունների պլան: Այս փուլում կարևոր է ոչ միայն հաշվարկների ճշգրտությունը, այլև մոդելավորումը։ Այլ կերպ ասած, պետք է գործի դնել երևակայությունը
ՔՊ–ական պատգամավորի խոսքով, Հայաստանը պետք է դիտարկի Ռուսաստանից կաթնամթերքի մատակարարումն արգելելու հնարավորությունը՝ ի պատասխան ռուսական կողմի նմանատիպ գործողությունների
ՌԲԿ-ն հայտնել է, որ 2024 թվականի մարտի 30-ից «МИР» ռուսական վճարային համակարգի քարտերը կդադարեն աշխատել Հայաստանի բանկերի մեծ մասի բանկոմատներում և POS տերմինալներում