Հայաստանը որևէ կերպ չի փորձում օժանդակել սանկցիաների շրջանցումը ռուս գործընկերների կողմից. Քերոբյան

ԵՐԵՎԱՆ, 21 ապրիլի./Նովոստի–Արմենիա/. Հայաստանը որևէ կերպ չի փորձում օժանդակել սանկցիաների շրջանցումը ռուս գործընկերների կողմից, հայտարարեց էկոնոմիկայի նախարար Վահան Քերոբյանը։

«Այդ մտահոգությունը փարատելու համար մենք խոսում ենք մեր ամերիկյան և եվրոպացի գործընկերների հետ, բացատրում ենք, թե որ ապրանքատեսակների առևտրի հիմքերը որոնք են և արդյո՞ք մենք չենք խախտի ԵԱՏՄ պայմանագիրը։ Կարողանում ենք, ըստ էության, բացատրել, որ այն գործողությունները, որ անում են ՀՀ ընկերությունները, նպատակ չունեն Հայաստանը երկրորդային սանկցիաների տակ գցելու, այլ բխում են մեր երկրի տնտեսական և աշխատանքային շահերից», – ասաց Քերոբյանն ուրբաթ լրագրողներին։

Նա հայտարարեց, որ Էկոնոմիկայի նախարարությունը փորձում է պահպանել ԵԱՏՄ պայմանագրի դրույթները` միաժամանակ ապահովելով որ ՀՀ ընկերությունները չընկնեն երկրորդային սանկցիաների տակ։

«Դա չի նշանակում, որ բացառված չի դա։ Դուք տեսնում եք, որ մի քանի ընկերություններ կան, որոնք արդեն սանկցիաների տակ են ընկել։ Բայց դա այդ ընկերությունների ռիսկն է: Մենք մեր մաքսային, բանկային և այլ գործիքակազմով փորձում ենք մաքսիմալ ապահովել մեր երկրի ընկերությունների՝ սանկցիաների տակ չընկնելը։ Հայաստանը նաև հետամուտ է իր տնտեսական շահերը պաշտպանելուն, և դա կարողանում ենք պատշաճ ձևով բացատրել ամերիկյան և եվրոպացի գործընկերներին», – ասաց նախարարը։

Հարցին, թե Հայաստան ներկրվող էլեկտրոնիկայի մեծ մասն արտահանվում է Ռուսաստանը, Քերոբյանը նշեց. «Եթե խոսենք ոչ թե տոկոսային, այլ թվային արտահայտությամբ, ապա դա այնքան աննշան է, որ դրա մասին անհանգստանալու հարց չկա»։

Նշենք, որ այսօր առկա տեղեկությունների համաձայն, ԱՄՆ–ի հակառուսական պատժամիջոցների տակ են հայտնվել Հայաստանում գրանցված մի քանի ընկերություններ, այդ թվում`Tako LLC–ին (այլ անվանում` Taco LLC, «Ռադիոավտոմատիկա» ռուսական ընկերության գործընկերը) և Milur Electronics LLC–ին (Milandr միկրոսխեմաների արտադրությամբ զբաղվող ընկերության հայկական մասնաճյուղ)։–0–