ԵՐԵՎԱՆ, 11 հունվարի./Նովոստի–Արմենիա/. Անցած տարվա դեկտեմբերին պարենային ապրանքների և ոչ ալկոհոլային խմիչքների գները, 2021 թվականի դեկտեմբերի համեմատ, աճել են 10%-ով, իսկ ամսվա կտրվածքով՝ 2,4%-ով։ Այս մասին են վկայում Հայաստանի ազգային վիճակագրական կոմիտեի հաշվետվության տվյալները։
«Նովոստի–Արմենիա» գործակալությունը ներկայացնում է վեց պարենային ապրանքներ, որոնց գներն ամենամեծ աճն են գրանցել 2022 թվականի դեկտեմբերին՝ 2021 թվականի դեկտեմբերի համեմատ։
Խտացրած կաթ
Խտացրած կաթը հաշվետու ամսում տարեկան կտրվածքով թանկացել է 30,7%-ով, իսկ անցած տարվա նոյեմբերի համեմատ՝ 0,4%-ով։
Տավարի միս
Տավարի միսը դեկտեմբերին տարեկան կտրվածքով թանկացել է 25,3%-ով, իսկ ամսվա կտրվածքով՝ 1,8%-ով։
Նոյեմբերին մսի գինը մեկ տարվա կտրվածքով թանկացել է 12,3%-ով, իսկ ամսվա կտրվածքով՝ 1,1%-ով։
Մակարոնեղեն
Մակարոնեղենը դեկտեմբերին թանկացել է 24,5%-ով, իսկ նոյեմբերի համեմատ՝ 0,2%-ով։
Մարգարին
Մարգարինը նախորդ տարվա դեկտեմբերին, 2021 թվականի դեկտեմբերի համեմատ, թանկացել է 23,4%-ով, իսկ ամսվա կտրվածքով՝ 0,3-ով.
Պանիր
Պանիրը դեկտեմբերին մեկ տարվա ընթացքում թանկացել է 19,9%-ով, իսկ նոյեմբերի համեմատ՝ 1,4%-ով։
Ընդհանուր առմամբ, «Կաթնամթերք, պանիր և ձու» խմբում դեկտեմբերին մեկ տարվա ընթացքում գներն աճել են 11.4%-ով, իսկ ամսվա կտրվածքով՝ 2%-ով։
Մածուն
Դեկտեմբերին մածունի գները, նախորդ տարվա դեկտեմբերի համեմատ, աճել են 19,2%-ով, իսկ 2022թ.–ի նոյեմբերի համեմատ՝ 0,2%-ով։
Ո՞ր ապրանքներն են էժանացել
Ձու
Ձուն դեկտեմբերին, նախորդ տարվա դեկտեմբերի համեմատ, էժանացել է 5,2%-ով, իսկ 2022թ.–ի նոյեմբերի համեմատ թանկացել է 6,6%-ով։
Բուսայուղ
Բուսական արևածաղկի ձեթը դեկտեմբերին մեկ տարվա ընթացքում էժանացել է 4,2%-ով, իսկ ամսվա ընթացքում` 2,1%-ով.
«Յուղեր և ճարպեր» խմբի ապրանքները դեկտեմբերին տարեկան կտրվածքով թանկացել են 4,8%-ով, իսկ ամսվա կտրվածքով էժանացել են 0,5%-ով։
Շաքար և շաքարավազ
Շաքարի և շաքարավազի գները դեկտեմբերին մեկ տարվա ընթացքում նվազել են 0,2%-ով, իսկ ամսվա կտրվածքով՝ 2,4%-ով։-0-
