«Զվարթնոց»-ում կսկսեն իրականացվել կանոնավոր բեռնային փոխադրումներ (ՖՈՏՈ)

ԵՐԵՎԱՆ, 13 մայիսի․ /Նովոստի-Արմենիա/․ «Զվարթնոց» միջազգային օդանավակայանում վերսկսվում են կանոնավոր բեռնային փոխադրումները։ Այս մասին հայտնում է օդանավակայանի մամուլի ծառայությունը։ 

Ըստ տեղեկության՝ «Զվարթնոց» միջազգային օդանավակայանի և Coyne Airways ընկերության միջև ձեռք բերված պայմանավորվածության համաձայն, սույն թվականի մայիսի 10-ին մեկնարկ տվեց Լյոժ (Բելգիա) և Երևան քաղաքների միջև կանոնավոր բեռնային փոխադրումներին:

Բեռնային փոխադրումները կիրականացվեն շաբաթական մեկ չվերթ հաճախականությամբ՝ յուրաքանչյուր կիրակի: Չվերթերը կիրականացվեն Boeing 737-400 օդանավերով՝ մինչև 20 տոննա բեռ փոխադրելու հնարավորությամբ:-0-