ԶԼՄ–ները պարզել են, թե ինչ են խոստացել Հայաստանի նորանշանակ վարչապետին

ԵՐԵՎԱՆ, 14 սեպտեմբերի. /Նովոստի–Արմենիա/. Հայաստանի նորանշանակ վարչապետ Կարեն Կարապետյանին խոստացել են, որ եթե նոր գումարման խորհրդարանում Հայաստանի հանրապետական կուսակցությունը մեծամասնություն պահպանի, ապա նա կշարունակի գլխավոր կառավարությունը մինչև Սերժ Սարգսյանի պաշտոնավարման ավարտը, այսինքն` 2018 թվականի ապրիլի 9–ը, գրում է «Ժողովուրդ» թերթը։

Սարգսյանը նախօրեին հրամանագիր է ստորագրել Կարեն Կարապետյանին վարչապետ նշանակելու մասին։

Յոթ ամիս անց` 2017 թվականի ապրիլի 2–ին, Հայաստանում կկայանան խորհրդարանական ընտրություններ։ Ազգային ժողովի ձևավորումից հետո կառավարության լուծարումը կատարվում է մեխանիկորեն, և նոր գումարման խորհրդարանը ձևավորում է իր կառավարությունը։

«Այսինքն, կարելի է փաստել, որ Կարեն Կարապետյանի` վարչապետի պաշտոնում մնալու «պայմանագրի» գործողության ժամկետը կկազմի տարի և 7 ամիս»,– գրում է թերթը։

Թերթը նշում է, որ ամեն դեպքում 2018 թվականի ապրիլի 9–ից հետո Կարեն Կարապետյանը չի կարող մնալ Հայաստանի վարչապետի պաշտոնում, քանի որ ուժի մեջ է մտնելու Սահմանադրության նոր կետը, որի համաձայն, Հայաստանի վարչապետը, ինչպես և պատգամավորները, պետք է վերջին չորս տարիների ընթացքում ապրած լինեն Հայաստանում և միայն Հայաստանի քաղաքացի լինեն։

«Հավանաբար, որ 2018 թվականի ապրիլի 9–ից հետո Սերժ Սարգսյանն ինքը կցանկանա վարչապետ դառնալ»,– նշվում է գրառման մեջ։ -0-