Զանգվածային ձերբակալություններ են սկսվել Երևանում

ԵՐԵՎԱՆ, 20 ապրիլի. /Նովոստի Արմենիա/. Բողոքի ակցիայի մասնակիցների զանգվածային ձերբակալություններ են սկսվել Երևանում։

Ոստիկանության աշխատողները տասնյակ մարդկանց են մտցրել ավտոբուսներ Թումանյան փողոցում` չպատասխանելով լրագորղների հարցերին։ Այդ հատվածում երիտասարդությունը պարբերաբար անցնում է փողոցը` ժամանակավորապես արգելափակելով երթևեկը։

«Ազատություն» ռ/կ–ի փոխանցմամբ, ոստիկանության տրամադրած վերջին պաշտոնական տվյալներով, բերման է ենթարկվել 169 քաղաքացի։


Ապրիլի 13–ին «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության ղեկավար Նիկոլ Փաշինյանը Երևանում անցկացնում է շուրջօրյա հանրահավաքներ Սերժ Սարգսյանի վարչապետության դեմ։ Ապրիլի 16–ից հանրահավաքները վերածվեցին քաղաքացիական անհնազանդության համաքաղաքային ակցիաների։ Բողոքներն ուղեկցվում են բախումներով ցուցարարների և իրավապահների միջև, մասնավորապես, Բաղրամյան պողոտայում, փողոցների և առանցքային մայրուղիների, ինչպես նաև պետական հաստատությունների շենքերի արգելափակմամբ։ Ապրիլի 17–ին կազմակերպված հանրահավաքի ժամանակ Փաշինյանը հայտարարեց «թավշյա» հեղափոխության մասին։

Ուրբաթ առավոտից ցուցարարների տարբեր խմբեր ապակենտրոնացված ակցիաներ են անցկացնում ողջ Երևանով` պարբերաբար փակելով երթևեկը տարբեր փոխոցներում, պողոտաներում և հրապարակներում։ -0-