Ոստիկանությունը զգուշացնում է Երևանում բողոքի ակցիայի դադարեցման հավանականության մասին
16.04.2018,
11:16
Երկուշաբթի առավոտյան պատգամավոր Նիկոլ Փաշինյանն իր համախոհների հետ փակել է Երևանի համար կենսական նշանակություն ունեցող մի շարք փողոցներ։
ԵՐԵՎԱՆ, 16 ապրիլի. /Նովոստի–Արմենիա/. Երկուշաբթի առավոտյան պատգամավոր Նիկոլ Փաշինյանն իր համախոհների հետ փակել է Երևանի համար կենսական նշանակություն ունեցող մի շարք փողոցներ։
Ինչպես հայտնում է ոստիկանության մամուլի ծառայությունը, կաթվածահար է եղել երթևեկությունը և սահմանափակվել հարյուրավոր քաղաքացիների ազատ տեղաշարժելու սահմանադրական իրավունքը:
Загружается новость ...
"Право"
ՀՀ ոստիկանությունը նախազգուշացրել է, որ նման գործողությունները կարող են ծնել հանցագործություններ՝ ուղղված քաղաքացիների կյանքի, առողջության և գույքի դեմ:
«ՀՀ ոստիկանությունը ևս մեկ անգամ պարզաբանում է, որ խաղաղ, սակայն հասարակական կարգի խմբային խախտումներով ուղեկցվող հավաքի իրավունքը բացարձակ չէ և կարող է ենթարկվել սահմանափակումների՝ իրավիճակից բխող համաչափ ոստիկանական գործողություններով, ընդհուպ մինչև հավաքի դադարեցման որոշման ընդունում»,– նշվում է հաղորդագրության մեջ։ -0-
Պատճենել հղումը
