ԵՐԵՎԱՆ, 7 դեկտեմբերի. /Նովոստի-Արմենիա/. Հայաստանի երկրորդ նախագահ Ռոբերտ Քոչարյանը կալանավորված է դատարանի որոշմամբ:
«Նա, ինչքան տեղյակ եմ, գտնվում է Երևան-Կենտրոն ՔԿՀ-ում»: Այս մասին «Ազատություն» ռադիոկայանի թղթակցին ասաց ԱԱԾ պետ Արթուր Վանեցյանը:
Նա նաև հայտնեց, որ տեղյակ չէ, թե արդյոք քննիչն այցելել է Հայաստանի երկրորդ նախագահին: Նա նաև պատասխանեց գաղտնալսումների մասին հարցին, ինչի վերաբերյալ Ռոբերտ Քոչարյանն ասել է, որ տխրահռչակ գաղտնալսումներն ապացուցում են, որ դա իր դեմ վենդետա է:
Загружается новость ...
"Право"
«Տխրահռչակները գաղտնալսում իրականացնողներն են: Գաղտնալսումների վերաբերյալ մեկնաբանություն արդեն իսկ վարչապետի կողմից եղել են: Դրան ավելացնելու ոչինչ չունեմ: Կարող եմ հավաստիացնել ձեզ, որ գաղտնալսումները ներկայացված են ընտրովի, մոնտաժված են: Դա քննությունը կապացուցի: Դա մի փաստ է, որն անհերքելի է, այսինքն, քննության ընթացքում կպարզվի, թե քանի անգամ և քանի րոպեանոց խոսակցություններ եմ ունեցել ես վարչապետի և ՀՔԾ պետի հետ, և կներկայացվի, կարծում եմ, նաև հանրությանը»,- ասաց Վանեցյանը, ավելացնելով, որ խոսակցությունը գաղտնիք չէր, և իրենք պատկերացնում էին, որ նմանատիպ գաղտնալսման, այսպես կոչված, երկրորդ մասը լինելու է, ինչը և եղավ: Թղթակցի հարցին, թե արդյոք մոնտաժման ընթացքում խոսակցության բովանդակությունը փոխվել է, Վանեցյանը պատասխանեց, որ բովանդակությունը ոչ թե մի քիչ է փոխվել, այլ ամբողջությամբ է փոխված:
Տեսանյութը` «Ազատություն» ռ/կ
ԱԱԾ ղեկավարը միաժամանակ չմանրամասնեց, թե մասնավորապես, ինչն է փոխվել իր և վարչապետի հեռախոսազրույցի մեջ, ինչպե նաև նշեց, որ ենթադրություններով չի ցանկանում խոսել, բայց ավելացրեց, որ դեկտեմբերի 15-ին կհանդիպի լրագրողներին և կպատասխանի նրանց հարցերին:
Վերաքննիչ դատարանը արդեն 5-րդ օրն է քննում էր Գլխավոր դատախազության միջնորդությունը` Քոչարյանին ազատ արձակելու մասին Վերաքննիչ դատարանի որոշումը չեղարկելու վերաբերյալ: Նիստի ժամանակ փաստաբանները ներկայցրել էին մի շարք միջնորդություններ, մասնավորապես, դատավոր Ռուբեն Մխիթարյանի ինքնաբացարկի մասին։
Բացի այդ, փաստաբանները մտադիր էին դիմել Սահմանադրական դատարան ՀՀ քրեական օրենսգրքի 300 և 300.1 հոդվածները` Մայր օրենքին համապատասխանությունը ստուգելու համար (հենց այս հոդվածների հիման վրա է Քոչարյանին մեղադրան առաջադրվել` Սահմանադրական կարգի տապալման փորձի համար. խմբգր.)
Դեկտեմբերի 7-ին դատարանն անփոփոխ թողեց առաջին ատյանի դատարանի որոշումը, որպես խափանման միջոց ընտրվել է կալանքը: -0-
