Վանեցյանն անդրադարձել է «հիբրիդային» հեղաշրջման մասին մեղադրանքներին (ՎԻԴԵՈ)
12:42
06 Փետրվարի 2020
ԵՐԵՎԱՆ, 6 փետրվարի./Նովոստի–Արմենիա/. ԱԱԾ նախկին տնօրեն Արթուր Վանեցյանը նախօրեին տպագիր լրատվամիջոցների խմբագիրների հետ հանդիպման ժամանակ անդրադարձել է «հիբրիդային» հեղաշրջում կազմակերպելու մեջ իր հասցեին հնչող մեղադրանքներին։
Загружается новость ... "Лево"
«Դա նույնպես տեղավորվում է տեղեկատվական արշավի շրջանակներում. ունեցանք անլուրջ իրավիճակ։ Հայտնի թերթն իմ մասին գրում է հայտնի մի հոդված, որտեղ ինձ մեղադրում են պետական հեղաշրջում կազմակերպելու մեջ և այլնի մեջ»,– նշել է Վանեցյանը։
Վանեցյանը հիշեցրեց իր կողմից նման լուրերը հերքելու մասին` ընդգծելով, որ դրանից հետո էլ շարունակվել է նույնը։
«Դուրս է գալիս բարձրաստիճան պետական պաշտոնյա, անվտանգության խորհրդի քարտուղար, պատգամավոր, ովքեր պնդում են որ նման փորձ է եղել, որ ես մասնակից եմ եղել պետական հեղաշրջման փորձի, այնուհետև ստանում ենք ԱԱԾ–ի պաշտոնական պարզաբանումն այդ ուղությամբ, որ նման դեպք չի եղել և նման փորձ չի եղել»,– ասել է Վանեցյանը։
Վանեցյանը խոսելով վարչապետ Նիկոլ Փաշինյանի կողմից օգտագործած «հիբրիդային» տերմինի մասին` նշել է. «Օրակարգ է բերվում մի տերմին, որը օգտագործվել է, եթե չեմ սխալվում Ուկրաինայում, դա ուղղակի չգիտեմ անլրջություն է, որ տրվում է այդ ամեն ինչին: Պետական հեղաշրջման փորձ իրականացնող մարդը պետք է նստած լիներ համապատասխան վայրում»։
Վանեցյանը նշել է, որ նման ցանկություն անգամ չի ունեցել։
«Ցանկացած մարդ, ով կփորձի իրականացնել պետական հեղաշրջում կամ հակասահմանադրկան ճանապարհով կփորձի տիրանալ իշխանությանը, այդ մարդը պետք է դատապարտվի և կրի իր պատիժը: Իրավունք չկա հակասահմանադրական ճանապարհով կատարել որևէ քայլն»,– ընգծել է ԱԱԾ նախկին տնօրենը։ –0–
Բիբլոս Բանկ Արմենիան իր կրթական ծրագրերի շրջանակում աջակցել է ամերիկացի բիզնես խորհրդատու Քլեյթոն Մ․ Քրիստենսենի «Նորարարի երկընտրանքը» գրքի հայերեն թարգմանությանն ու հրատարակությանը «Անտարես» հրատարակչության կողմից