ԵՐԵՎԱՆ, 12 ապրիլի. /Նովոստի–Արմենիա/. Ուռուցքբանության ֆրանսիական նոր կենտրոն կբացվի Երևանում «Clinique Alleray Labrouste» կլինիկայի քիմիաթերապիայի հայտնի մասնագետ Նորբեր Ավետյանի նախաձեռնությամբ, հայտնում է Հայաստանի առողջապահության նախարարության մամուլի ծառայությունը։
Հայաստանի առողջապահության նախարար Լևոն Ալթունյանը չորեքշաբթի այցելել է կենտրոն և ծանոթացել կատարված աշխատանքներին, ստեղծված հնարավորություններին և եվրոպական սխեմաներով քիմիաթերապիա անցկացնելու համար նախատեսված պայմաններին։
Նշվել է, որ կենտրոնի լաբորատոր հատվածը շուտով զինված կլինի ժամանակակից սարքավորումներով։ Մարզերի հիվանդների համար կենտրոնի երրորդ հարկում նախատեսված են հարմարավետ հյուրանոցային համարներ։
Ալթունյանը գոհունակություն է հայտնել Հայաստանում այս կարևորագույն բժշկական ծառայության նոր հնարավորությունների ստեղծման և կատարած աշխատանքի վերաբերյալ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
