ԵՐԵՎԱՆ, 2 դեկտեմբերի. /Նովոստի-Արմենիա/. Ազատության հրապարակում անցկացվող նստացույցի մասնակիցները պաստառներից ինքնաշեն վրաններ են կառուցել:
Երեքշաբթի «Նոր Հայաստան» ընդդիմադիր ճակատը հայտարարեց, որ կազմակերպում է բողոքի շուրջօրյա ակցիաներ։
«Նոր Հայաստան» ճակատը, որը միավորում է մի շարք ընդդիմադիր գործիչների, ցանկանում է խափանել դեկտեմբերի 6–ին նախատեսած սահմանադրական բարեփոխումների հանրաքվեն, որը նախատեսում է անցում խորհրդարանական իշխանավարման։
Ցուցարարները կփոխարինեն միմյանց նստացույցի դեպքում, իսկ չորեքշաբթի ժամը 18։00–ին կկազմակերպվի նոր հանրահավաք։
Երեքշաբթի ՀՀ ոստիկանությունը հայտարարություն է տարածել, որում բողոքի ակցիայի մասնակիցներին սթափության կոչ է անում և պահանջում ձեռնպահ մնալ սադրանքներից։
«Նոր Հայաստան» շարժման առաջնորդ Ժիրայր Սեֆիլյանն ավելացրեց, որ ցույցերն ու անհնազանդության ակցիաներն ամենօրյա են լինելու, և ցուցարարներն աստիճանաբար «ավելացնելու են պայքարի աստիճանը»:
Ոստիկանությունն առայժմ ցուցարարների գործողություններին չի միջամտում:–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
