ԵՐԵՎԱՆ, 15 փետրվարի./Նովոստի–Արմենիա/. Երևանի քաղաքապետարանը գլոբալ լուծում է գտել «Երևանի ավտոբուս» ՓԲԸ–ի վարորդների գործադուլի խնդիրը լուծելու հարցում, ուրբաթ հայտարարեց Երևանի քաղաքապետ Հայկ Մարությանը։
Նշենք, որ վարորդները բողոքում էին ընկերության տնօրենի հրաժարականի դեմ։
Նախօրեին «Նովոստի–Արմենիա» գործակալությունը հայտնել էր, որ երևանցիները դժգոհում են հասարակական տրանսպորտի աշխատանքի խափանումներից։ Քաղաքացիները չէին կարողանում հասնել քաղաքի կենտրոն ավտոբուսների բացակայության պատճառով։ Ինչպես Facebook–ի իր էջում գրել էր Երևանի քաղաքապետարանի մամուլի քարտուղար Հակոբ Կարապետյանը, վարորդները գործադուլ էին կազմակերպել` բողոքելով «Երևանի ավտոբուս» ՓԲԸ–ի ղեկավար Էլբակ Թարփոշյանին փոխելու դեմ, ով հրաժարական էր տվել 2018թ.–ի դեկտեմբերի 26–ին, սակայն Երևանի քաղաքապետը հրաժարականի դիմումը չի ստորագրել։
«Խնդիրն արդեն լուծվել է, և շուտով, ինչպես մենք արդեն տեղեկացրել ենք, մայրաքաղաքի տրանսպորտային ցանցը կհամալրվի 70 նոր ավտոբուսներով։ Այդ նպատակով կվերանայվեն բոլոր երթուղիները, և նոր ավտոբուսները կերթևեկեն այնտեղ, որտեղ կզգացվի դրանց պակասը», – ասաց Մարությանը։
Նա նաև նշեց, որ խոսքը Higer ընկերության 70 ավտոբուսների մասին է, որոնք նվիրաբերվել էին Չինաստանի կառավարության կողմից։ Նրանք լիովին նոր են և գտնվում են կատարյալ վիճակում։ Ավտոբուսների շահագործման համար քաղաքապետարանը մտադիր է ներգրավվել նոր վարորդների։
Ինչպես տեղեկացրեց Մարությանը, WYG International Limited միջազգային ընկերությունը, որը զբաղվում է Երևանի նոր տրանսպորտային ցանցի նախագծմամբ, արդեն քաղաքապետարանին է ներկայացրել իր առաջարկների փաթեթը։
«Երևանի ադմինիստրացին այս պահին ուսումնասիրում է միջազգային ընկերության կողմից անցկացրած մոնիտորինգի վերջնական արդյունքները», – ասաց Մարությանը։
Պատասխանելով լրագրողների հարցին, թե որքան կարժենա Երևանի տրանսպորտային ցանցի արդիականացումը` քաղաքապետը նշեց, որ գումարը կկազմի մոտ 200–250մլն դոլար։
«Գումարն իսկապես հսկայական է։ Չեմ կարծում, որ Երևանն ի վիճակի կլինի դա ինքնուրույն անել։ Այս հարցում մեզ անհրաժեշտ կլինի պետության օգնությունը», – նշեց Մարությանը։–0–
