ԵՐԵՎԱՆ, 24 մայիսի. /Նովոստի-Արմենիա/. Ստեփանակերտի օդանավակայանը և «Yell Extreme Park» նախագիծը երկտեղանի ինքնաթիռներով սկսում են Արցախի տարածքում զբոսաշրջային թռիչքների իրականացումը:
«Մեր նպատակն է Հայաստանում և Արցախում զբոսաշրջային թռիչքների հնարավորության բարձրաձայնելը և ցույց տալը, որ այդտեղ կա հետաքրքիր զբոսաշրջային արտադրանք: Մենք հիմա ակտիվ պատրաստվում ենք «Yell Extreme Park» Արցախի նոր արտադրանքի ստեղծմանը` Ստեփանակերտի օդանավակայանի բազայի հիման վրա»,- «Նովոստի-Արմենիա»-ին ասաց «Yell Extreme Park» նախագծի հիմնադիր Տիգրան Չիբուխչյանը:
Загружается новость ... "Лево"
Նրա խոսքով, երկտեղանի ինքնաթիռներով Ստեփանակերտ-Շուշի երթուղով զբոսաշրջային օդային զբոսանքները սկսել են իրականացվել նախորդ շաբաթ:
Ակնկալվում է նաև, որ երկտեղանի ինքնաթիռները նաև Ստեփանակերտից թռիչքներ կիրականացնեն նաև զբոսաշրջիկների սիրած վայր` Գանձասարի վանական համալիր:
«Մենք փորձում ենք զարգացնել զբոսաշրջությունը, միաժամանակ, մեր զբոսաշրջիկներին առաջարկում ենք «Ա» կետից «Բ» կետ տեղափոխվել ավտոճանապարհներով, որոնք այնքան էլ լավ վիճակում չեն: Այսօր մենք եզակի հնարավորություն ունենք ստեղծել նոր զբոսաշրջային արտադրանք, ինչպես ներքին, այնպես էլ արտաքին շուկաների համար»,- ասաց Չիբուխչյանը:
Նա նաև հավելեց, որ ներկայում քննարկվում է Ենոքավանում փոքր ավիացիայի օդանավակայանի ստեղծման հարցը, որի նպատակն է թռիչքներ իրականացնել Երևանից։
«Yell Extreme Park» նախագիծը հիմնվել է 2015 թ-ին` Տավուշի Ենոքավան գյուղում: Այս վայրն ընտրվել է` ելնելով առավել բարենպաստ կլիմայական պայմանների, աշխարհագրական դիրքի և ռելիեֆային առանձնահատկություններից:
Նախագծի նպատակն է Հայաստանում զարգացնել արկածային և էքստրեմալ զբոսաշրջությունը, դառնալ տարածաշրջանում էքստրեմալ տորիզմի խոշոր կենտրոն, ստեղծել նոր աշխատատեղեր, ակտիվացնել հասարակական կյանքը, խթանել առողջ ապրելակերպը: -0-
