Սփյուռքահայության ձայնը Ռուսաստանում չի լսվում. Դվորնիկով

ԵՐԵՎԱՆ, 27 հոկտեմբերի. /Նովոստի-Արմենիա/. Ռուսաստանում հայկական սփյուռքն իր ձայնը չունի, կարծում է ռուս հրապարակախոս, Միջազգային իրավունքի ռուսական ասոցիացիայի անդամ Դենիս Դվորնիկովը։

«Այդ ձայնը կարող էր մեծ ազդեցություն ունենալ քաղաքականության վրա: Դա հնարավոր է անել` հաշվի առնելով ֆինանսական միջոցները, հասարակական կյանքի և բիզնեսի վրա ազդեցության հեռանկարները», - ասաց Դվորնիկովը հինգշաբթի «Նովոստի-Արմենիա» մամուլի կենտրոնում հրավիրված մամուլի ասուլիսի ընթացքում: Մամուլի ասուլիսի թեման էր` «Հայաստանի և Ռուսաստանի տեղեկատվական համագործակցությունը. Փոխըմբռնման ճգնաժամ և նոր հնարավորություններ երկխոսության համար»։

Փորձագետն անկեղծ զարմացած է, որ հայկական սփյուռքը սեփական օրակարգը չի թելադրում:

«Ռուսական քաղաքականությունը, չնայած թվացյալ խստությանը, բավական ճկուն է և կախված է նրանից, թե ով է ավելի ակտիվ և ավելի լպիրշ: Այժմ այնպես է ստացվում, որ հաղթում են այն խմբերը, ովքեր հայտարարում են, թե Ադրբեջանին զենք վաճառելը նույնիսկ օգտակար է”, - ավելացրեց Դվորնիկովը: -0-