XIX դարի ջերմաստիճանային ռեկորդը կարող է սահմանվել երեքշաբթի Մոսկվայում

Տաքության ռեկորդը, որը սահմանվել է 113 տարի առաջ, կարող է գրանցվել երեքշաբթի՝ դեկտեմբերի 27-ին Մոսկվայում ակնկալվում է 5 աստիճան տաքություն, երկուշաբթի ՌԻԱ Նովոստտիին է հաղորդել «Ֆոբոս» եղանակի կենտրոնի մասնագետը:

«Մեծ հավանականությամբ՝ երեքշաբթի կարող է գրանցվել 1898 թվականի ջերմաստիճանային ռեկորդը, երբ ջերմաստիճանը հասել էր 3,3 աստիճան տաքության: Այս տարի դեկտեմբերի 27-ին կանխատեսվում է 3-5 աստիճան տաքություն»,- հայտնել է գործակալության զրուցակիցը:

Օդերևութաբանը նշել է, որ երեքշաբթի սպասվում է ամպամած և քամոտ եղանակ, կգրանցվեն տեղումներ անձրևի տեսքով: Քամին արևմտյան կլինի՝ 8-13 մետր վայրկան արագությամբ, քամու ուժգնացումը մինչև 15 մետր վայրկյան:

«Երկուշաբթի օրվա երկրորդ կեսին օդի ջերմաստիճանը կբարձրանա մինչև գրեթե ռեկորդային ցուցանիշի՝ պլյուս 3 աստիճան: Այդ ժամանակի ջերմաստիճանի առավելագույնը գրանցվել է 1980 թվականին, երբ օդը տաքացել էր մինչև 3,4 աստիճան տաքություն»,- ավելացրեց օդերևութաբանը:

Ըստ նրա՝ չորեքշաբթի հյուսիս-արևմտյան քամին կնվազեցնի օդի ջերմաստիճանը 0-ից պլյուս 2 աստիճան, հինգշաբթի արդեն կլինի 0 աստիճանից բարձր:

 «Շաբաթվա ընթացքում մթնոլորտային ճնշումը կտատանվի՝ հինգշաբթի այն կհասնի այս շաբաթվա առավելագույնի՝ 747 միլիմետր սնդիկի սյուն»,- ասել է գործակալության զրուցակիցը: -0-