Մեդվեդևն անկուսակցական է մնում, բայց աջակցում է «Եդինայա Ռոսիային». Տիմակովա
ՌԴ նախագահ Դմիտրի Մեդվեդևն անկուսակցական է մնում, բայց աջակցում է «Եդինայա Ռոսիային», որը նրան չորս տարի առաջ առաջադրել էր նախագահի պաշտոնին, և իրեն կապում է այդ քաղաքական կուսակցության հետ, ինչի կապակցությամբ համաձայնել է Պետդումայի ընտրությունների ժամանակ գլխավորել ԵՌ ցուցակը, հայտնել է պետության ղեկավարի մամուլի քարտուղար Նատալյա Տիմակովան:
«Ներկա պահին ՌԴ նախագահը չի մտնում քաղաքական կուսակցություններից որևէ մեկի կազմի մեջ, բայց միշտ աջակցել է «Եդինայա Ռոսիային», որը նրան առաջադրել էր նախագահի պաշտոնում և աջակցում էր նրան այդ պաշտոնում, Պետդումայում և տարածքային օրենսդրական ժողովներում»,- լրագրողներին ասել է Տիմակովան, հաղորդում է «ՌԻԱ Նովոստին»:
«Դմիտրի Մեդվեդևը միշտ իրեն կապել է «Եդինայա Ռոսիայի» հետ, և այդ պատճառով համաձայնել է ընտրությունների ժամանակ գլխավորել «Եդինայա Ռոսիայի» ցուցակը»,- ավելացրել է մամուլի քարտուղարը:
Կրեմլի աշխատակազմի ղեկավար Սերգեյ Նարիշկինը կիրակի կարծիք էր հայտնել, որ Մեդվեդևը մի քանի ամսից՝ երկրի ընտրական փուլի ավարտից հետո, հնարավոր է գլխավորի «Եդինայա Ռոսիան»: -0-
