Պուգաչովան մտնում է «Պրավոյե դելո»
Հայտնի երգչուհի Ալլա Պուգաչովան մտնում է «Պրավոյե դելո» կուսակցություն, չորեքշաբթի «ՌԻԱ Նովոստիին» հայտնել է կուսակցության մամուլի ծառայության ներկայացուցիչը:
«Միխայիլ Պրոխորովին սատարել է Ալլա Պուգաչովան: Նրանք պայմանավորվել են, որ Ալլա Բորիսովնան կուսակցություն է մտնելու»,-ասել է գործակալության զրուցակիցը:
Ավելի վաղ կուսակցության առաջնորդ Միխայիլ Պրոխորովը հայտնել էր Պուգաչովային կանանց խնդիրների լուծմամբ զբաղվելու առաջարկ անելու մտադրության մասին: Ըստ նրա՝ Ռուսաստանում «կանանց հարցը» շատ խիստ է դրված, մասնավորապես՝ «կանանց համար ավելի դժվար է կարիերա ստեղծել, քան տաղամարդկանց համար, ընդհանրապես առաջ գնալ կյանքում»: Կուսակցության առաջնորդը մտադիր էր հանդիպել Պուգաչովայի հետ երկուշաբթի՝ սեպտեմբերի 12-ին, սակայն հանդիպումն այդպես էլ չի կայացել:
Կուսակցության մամուլի ծառայությունից նշել են, որ Պուգաչովան հավանաբար ներկա է լինելու սեպտեմբերի 15-ին «Պրավոե դելո»-ի համագումարին: -0-
