Պետերբուրգի իշխանությունները հողատարածք են հատկացրել Պուգաչովայի թատրոնի համար

Պետերբուրգի կառավարությունը չորեքշաբթի կայացած նիստում որոշում է ընդունել հողատարածք տրամադրել «Ալլա Պուգաչովայի երգի թատրոնի» համար, հայնում է «ՌԻԱ Նովոստին»։

Որոշման մեջ ասվում է, որ հողատարածքը գտնվում է Վասիլեոստրովսկի շրջանում, Մորսկայա գետափում՝ Սմոլենկա գետաբերանին։ Այդ հատվածը վաղուց պատվիրվել էր քաղաքի կողմից մշակութային կենտրոն դարձնելու համար։

Պետերբուրգում հայտնի երգչուհու թատրոնի կառուցման ծրագրերը քննարկվում են դեռ 2008 թվականից։

«Վերջերս Ալլա Բորիսովնան զանգահարել էր և հարցնում էր, թե երբ կլուծվի թատրոնի հետ կապված հարցը»,- նիստում նշել է քաղաքագլուխ Վալենտինա Մատվիենկոն։

Ավելի վաղ Պուգաչյովան հայտնել էր, որ շատ է սիրում Նևայի վրա գտնվող քաղաքը և այստեղ քաղաքի ղեկավարի մեծ աջակցությունն է զգում, ինչպես նաև հետաքրքրություն ամեն նորության, հեռանկարայինի նկատմամբ։ Երգչուհու խոսքով՝ հյուսիսային մայրաքաղաքը հատուկ էներգետիկա, ստեղծագործ մթնոլորտ ունի, այդ իսկ պատճառով նա որոշել է այդպիսի թատրոն հիմնել հենց Պետերբուրգում։ -0-