Կասպից ծովի ռուսական նավատորմը թարմացման կարիք ունի. փոխվարչապետ Իվանով
04.05.2011,
14:44
Կասպից ծովի ռուսական նավատորմը թարմացման կարիք ունի. փոխվարչապետ Իվանով
ԵՐԵՎԱՆ, 4 մայիսի. /Նովոստի-Արմենիա/. Կասպից ծովի ռուսական նավատորմը հնացել է և անմրցունակ է դարձել, հայտարարել է ՌԴ փոխվարչապետ Սերգեյ Իվանովը, հաղորդում է «ՌԻԱ Նովոստին»։
«Կասպից ծովի վրա գործող հայրենական նավատորմն ընդհանուր առմամբ կարելի է բնութագրել որպես քիչ տարողության նավատորմ, որը բարոյապես և ֆիզիկապես հնացած է և անմրցունակ»,- ասել է Իվանովը՝ հանդես գալով ՌԴ կառավարությանն առընթեր Ծովային կոլեգիայի նիստում։
Իվանովը, ով վերահսկում է կառավարությունում պաշտպանական-արդյունաբերական համալիրը, Ծովային կոլեգիայի նախագահն է։
Տարածաշրջանում գրանցված 148 հայրենական նավերի մեծամասնությունը «գետ-ծով» կարգի նավեր են, որոնց միջին տարիքը կազմում է 30 տարի, հաղորդել է փոխվարչապետը։ -0-
Պատճենել հղումը
