Սոչիում կառուցվող օլիմպիական պուրակը ինքնին բացառիկ է, կարծում է «Օլիմպստրոյ» համալիրի հասարակայնության հետ կապերի դեպարտամենտի տնօրեն Ալեքսանդր Կոստերինան։
«Ձմեռային օլիմպիական խաղերի համար Օլիմպիական պուրակն առհասարակ բնոորոշ չէ, իսկ այստեղ սառցե հարթակները կողք կողքի են, և, բացի այդ, դրանք շատ մոտ են դասավորված, դրանք բոլորը կառուցվում են զրոյից, քանի որ սառցե մարզաձևերը, կլիմայական պայմանները հաշվի առնելով, Սոչիի համար բնորոշ չեն, թեև այստեղ կա հոկեյի պատանեկան թիմ»,- ասել է Կոստերինան Սոչիում «ՌԻԱ Նովոստիի» կազմակերպած մամուլի շրջայցի շրջանակներում Սոչիում գտնվող ԱՊՀ և Բալթյան երկրներից ժամանած լրագրողների հետ հանդիպման ընթացքում։
Նրա խոսքերով՝ Օլիմպիական պուրակն ընդգրկում է սպորտային վեց ասպարեզ՝ Սպորտի սառցե պալատ, Չմշկավազքի փակ կենտրոն, Սառցե ասպարեզ կեռլինգի համար, Սառցե Մեծ հրապարակ, Սառցե փոքր ասպարեզ և Կենտրոնական մարզադաշտ, որտեղ կանցկացվի Օլիմպիադայի բացման և փակման արարողությունը։
Կոստերինան հիշեցրեց, որ մարզադաշտը ֆուտբոլի Աշխարհի գավաթի անցկացման հայտի մի մասն է, և ՖԻՖԱ-ի հրահանգների կապակցությամբ՝ մարզական այդ օբյեկտի տեղերի թիվը 40 հազարից հասցվել է մինչև 46 հազարի։
«Օլիմպստրոյի» ներկայացուցիչը հայտնեց նաև, որ լուծվել են օլիմպիական նոր օբյեկտների հետագա ճակատագրի հարցերը։
«Կա «սպիտակ փղեր» հասկացություն։ Հասկանալի է, որ Սոչիին այդքան սառցե ասպարեզներ պետք չեն, և սա օլիմպիական բազմաթիվ քաղաքների մեծ խնդիրն է։ Հետագայում այդ օբյեկտները պարզապես չեն օգտագործվում, այնուամենայնիվ, հսկայական ծախսեր պահանջելով հենց շահագործման մասով»,- ասաց Կոստերինան։
«Բացի այդ, ինչպես գիտեք, գոյություն ունի Սոչիի ներդրումային ֆորումը, և սա ամենամեծ էքսպո-կենտրոնը կլինի Ռուսաստանի հարավում»,- ասաց Կոստերինան։
Օլիմպիական այգու բոլոր ասպարեզները կարելի է անցնել 20 րոպեում։ Դրա կոմպակտությունն առանձնահատկություններից մեկն է։ Օլիմպիական Սոչիի մերձափնյա կլաստերում կառուցվում է նաև Օլիմպիական գյուղ, մամուլի կենտրոն և հեռուստակենտրոն։
Սոչիի բնակիչները, ովքեր տեղափոխվել են Օլիմպիական շինարարությունների հետևանքով, ապահովվում են հարմարավետ բնակատեղիով։ -0-
