ԶԼՄ-ների ազատության պահպանման ուկրաինական փորձը կարևոր է Ռուսաստանի համար. Կոժոկին
ԶԼՄ-ների ազատության պահպանման ուկրաինական փորձը կարևոր է Ռուսաստանի համար, այդ պատճատով Եվրոպական և ասիական լրատվամիջոցների ֆորումը հատկապես Կիևում անցկացնելը միանգամայն արդարացված է, կարծում է Աշխատանքի և սոցիալական հարաբերությւոնների ակադեմիայի ռեկտոր Եվգենի Կոժոկինը, հաղորդում է «ՌԻԱ Նովոստին»։
«Շատ լավ գաղափար է ֆորումը Կիևում անցկացնելը։ Լավն է, քանի որ ԱՊՀ-ի բոլոր երկրները ԶԼՄ-ների և իշխանության միջև փոխհարաբերությունների իրենց տեսակն ունեն։ Այժմ, ամենայն հավանականությամբ, ազատության տարածություն այստեղ՝ Ուկրաինայում, գուցե ԱՊՀ երկրներից ամենաբարձրն է»,- «ՌԻԱ Նովոստիին» տված հարցազրույցում ասաց Կոժոկինը։
«ՌԻԱ Նովոստիի» կողմից կազմակերպվող եվրոպական և ասիական ԶԼՄ-ների ամենամյա հերթական ֆորումը (ԵԱՄՖ) չորեքշաբթի մեկնարկել է Կիևում: Ուկրաինայի մայրաքաղաքում, որը Եվրոպայի տարածքում զանգվածային տեղեկատվության ամենախոշոր շուկաներից մեկն է, հավաքվել են ԱՊՀ, Բալթյան երկրների և Վրաստանի ԶԼՄ-ների շուրջ 300 ղեկավարներ, որոնց թվում են լրատվական կառույցների ղեկավարները, առաջատար թերթերի և ամսագրերի գլխավոր խմբագիրները, խոշորագույն հեռուստառադիոընկերությունների գլխավոր տնօրենները, ինչպես նաև հայտնի լրագրողներ և միջազգային փորձագետներ:
«Մենք (Ռուսաստանում) կողմ ենք ազատության տարածության ընդլայնմանը, ի դեպ որպեսզի այն չքանդենք, ստիպված ենք դանդաղ ընթանալ։ Եվ այն, որ մեր այն հարևանները, որոնք դուրս են եկել նույն քաղաքական մատրիցայից, կարողացել են զերծ մնալ՝ չքանդելով ոչ հասարակությունը, ոչ քաղաքական համակարգը՝ մեզ համար այդ փորձը շատ կարևոր է»,- ընդգծեց գործակալության թղթակիցը։-0-
