«Սոչի-2014»-ը օլիմպիական թալիսմանի համազգային մրցույթ է հայտարարում

Սոչիի օլիմպիադա 2014-ի կազմկոմիտեն հուլիսի 30-ին տալիս է օլիմպիական թալիսմանի դիզայնի համազգային մրցույթի մեկնարկը, ուրբաթ հայտնեց «Սոչի-2014»-ի նախագահ Դմիտրի Չեռնիշենկոն, հաղորդում է «ՌԻԱ Նովոստին»:

«Մեր երկրի ամեն բնակիչ կարող է ներկայացնել իր աշխատանքները, ընդգծեց նա: Դրանք կընտրի պրոֆեսիոնալ ժյուրին, դրանք կմշակվեն պրոֆեսիոնալ նկարիչների կողմից: Դրանից հետո 2011թ.-ի փետրվարի 7-ին` Օլիմպիադայի մերկնարկից ուղիղ  երեք տարի առաջ, տեղի կունենա օն-լայն քվեարկություն՝ ընտրելու համար Օլիմպիադա-2014-ի թալիսմանը, որը նվազագույնը մի քանի տարով երկրի և, հնարավոր է, ողջ դարաշրջանի խորհրդանիշ կդառնա, ինչպես եղել է 1980թ.-ի հայտնի Արջուկը»:

Ըստ Չեռնիշենկոյի` օլիմպիական թալիսմանն օգտագործելու իրավունքի  արտոնագրված համաձայնությունները կազմկոմիտեին նվազագույնը 50 մլն դոլար կբերեն:

«Այն բանից, թե որքան ցանկալի կլինի ընտրված թալիսմանը, կախված կլինի տվյալ ծրագրի և բյուջեի արդյունավետությունը»,- ընդգծեց Չեռնիշենկոն: -0-