Կուբանում ավերվել են հայերի գերեզմանների տապանաքարերը. «Երկրամաս»
ԵՐԵՎԱՆ, 26 հուլիսի./Նովոստի-Արմենիա/. Ուրբաթ լույս շաբաթ գիշերը Կրասնոդարի երկրամասի Նովոռոսիյսկ քաղաքի նվազագույնը երկու գերեզմանատներում ավերվել են գերեզմանների, մեծամասամբ հայերի տապանաքարերը, տեղեկացնում է Ռուսաստանի հայերի «Երկրամաս» թերթի տեղեկատվական կենտրոնը։ Հաղորդագրության համաձայն՝ ընդհանուր առմամբ շուրջ 50 տապանաքար է քանդվել։
«Նովոսիբիրսկի հայկական մշակույթի «Լույս» միությունը վրդովված է վանդալության ակտի պատճառով, և ներկայումս քաղաքի վարչության և իրավապաշտպան մարմինների հետ համատեղ վանդալներին շտապ գտնելու և պատժելու գործողություններ են ձեռնարկվում»,- ասվում է հաղորդագրության մեջ։
Հրատարակությունը հիշեցնում է, որ սա առաջին դեպքը չէ, երբ Կրասնոդարի երկրամասում քանդվում են հայերի գերեզմանները։ 2002թ.-ից սկսած, երբ ապրիլի 17-ի գիշերը Կրասնոդարի գերեզմանատանը քանդվել էին հայկական գերեզմանները, նման դեպքեր բազմիցս տեղի են ունեցել նաև Կուբանում։ -0-
