Վրաստանի մի բնակչուհի է ձերբակալվել մաքսանենգության կասկածանքով
09.06.2010,
13:32
Վրաստանի մի բնակչուհի է ձերբակալվել մաքսանենգության կասկածանքով
Վրաստանի ֆինանսների նախարարության հետաքննիչ դեպարտամենտի աշխատակիցները ձերբակալել են Վրաստանի քաղաքացի Ծովինար Դալլաքյանին, ով մաքսանենգ ճանապարհով Հայաստանից Վրաստան է ներկրել 30 հազար լարիի (17 հազար դոլար) ոսկե իրեր, հաղորդում է «Նովոստի-Գռուզիա» գործակալությունը՝ հղում անելով Վրաստանի ֆինանսների նախարարությանը:
Նախարարության տվյալներով՝ ձերբակալվածը, խուսափելով մաքսային վերահսկողությունից, հայ-վրացական պետական սահմանի վրա գտնվող «Սադախլո» մաքսային կետով երկիր է ներկրել թանկարժեք քարերով զարդարված շուրջ 0,5 կգ ոսկե իրեր:
Մաքսանենգության փաստի առթիվ ընթանում է հետաքննություն ՔՕ 214-րդ հոդվածի (մաքսային կանոնների խախտում, որը նախատեսում է մինչև հինգ տարի ազատազարկում) հատկանիշներով:-0-
Պատճենել հղումը
