Հայտնի դերասան Դմիտրի Խառատյանի ջիփի գողության փաստով գործ է հարուցվել

Հինգշաբթի Մոսկվայի հարավ-արևմտյան մասում դերասան Դմիտրի Խառատյանին պատկանող Toyota Land Cruiser 200 մակնիշի ավտոմեքենայի գողության փաստով քննչական մարմինները քրեական գործ են հարուցել, ուրբաթ «ՌԻԱ Նովոստիին» հայտնեց Մոսկվայի ՆԳՊՎ տեղեկատվական վարչության ներկայացուցիչը։

Մեքենան գողացել են Նախիմովսկի խաչմերուկին գնտվող շիննյութի խանութի մոտից։ Խառատյանի կինը խանութում մի քանի րոպե է անցկացրել, իսկ երբ դուրս է եկել խանութից, մեքենան արդեն չի եղել։ «Տվյալ փաստի վերաբերյալ քրեական գործ է հարուցվել ՌԴ ՔՕ 158-րդ հոդվածի 2-րդ մասի հատկանիշներով (գողություն)։ Նյութական վնասը 2,5 մլն ռուբլի է կազմել»,- ասաց գործակալության զրուցակիցը։

Հոդվածի սանկցիան նախատեսում է մինչև տասը տարի ազատազրկում։ Հանցագործների որոնման աշխատանքներ են տարվում։

Դմիտրի Խառատյանը լայն ճանաչում է ստացել՝ նկարահանվելով այնպիսի ֆիլմերում, ինչպիսիք են «Կանաչ բեռնատար», «Գարդեմարիններ, առաջ» և այլ ֆիլմերում և սերիալներում։ -0-