ԵՐԵՎԱՆ, 4 փետրվարի. /Նովոստի-Արմենիա/. Տասնմեկ երկրների դեսպաններ ուրբաթ իրենց հավատարմագրերը կհանձնեն ՌԴ նախագահ Դմիտրի Մեդվեդևին, հաղորդում է «ՌԻԱ Նովոստին»:
Փաստաթղթերի փոխանցման արարողությունը, որոնց միջոցով իրականացվում է դիվանագիտական ներկայացուցչի հավատարմագրումը, տեղի կունենա Կրեմլի մեծ պալատում:
Ռուսական պետության ղեկավարին հավատարմագրեր կհանձնեն Ավստրիայի դեսպան Մարգոտ Կլեստիլ Լյոֆլերը, Հայաստանի դեսպան Օլեգ Եսայանը, Զամբիայի դեսպան Պատրիկ Նայլոբի Սինյինզան, Հորդանանի դեսպան Ահմադ Ալ-Հասանը, Լեսոտոյի դեսպան Մակասե Նյափհիսին, Մալավիի դեսպան Այզեք Չիկվեկվերե Լամբան, Մոնակոյի դեսպան Կլոդ Ժիորդանը, Նիգերի դեսպան Ամինա Ջիբո Բազինդրեն, Օմանի դեսպան Մոհամմեդ Ալ- Հասանը, Տոնգայի դեսպան Սիոնե Իհոնգո Կիոան և Ֆիջի կղզիների հանրապետության դեսպան Իսիկելի Ուլունայիրայի Մատայտոգան:
Հավատարմագրերի հանձնման արարողությունն անցկացվում է տարին մի քանի անգամ: Ներկայիս արարողությունը առաջինն է այս տարի: Անցյալ տարվա դեկտեմբերին կայացած նախորդ արարողությանը մասնակցել են 12 պետությունների դեսպաններ: Այդ պետություններ էին Իռլանդիան, Բանգլադեշը, Չինաստանը, Ղազախստանը, Պաղեստինը, Բուրունդին, Մակեդոնիան, Մոնղոլիան, Գանան, Պորտուգալիան, Յամայկան, Սեյշելյան կղզիների հանրապետությունը, ինչպես նաև ՌԴ-ում Եվրահանձնաժողովի ներկայացուցչության ղեկավարը: -0-
