ԱՊՀ երկրների կառավարությունների ղեկավարները հաջորդ անգամ կհանդիպեն մայիսին Մոսկվայում
ԱՊՀ երկրների կառավարությունների ղեկավարների հաջորդ նիստը կկայանա հաջոր տարվա մայիսին Մոսկվայում, ուրբաթ հայտնել է ԱՊՀ գործադիր քարտուղար Սերգեյ Լեբեդևը, հաղորդում է «Նովոստի-Արմենիա» գործակալության թղթակիցը:
Նրա խոսքերով, ԱՊՀ երկրների վարչապետները Յալթայում նիստից հետո ճգնաժամի բացասական հետևանքների հաղթահարման համատեղ միջոցների մասին որոշում են ընդունել:
«Կառավարությունների ղեկավարները համաձայնության են եկել, որ ճգնաժամը հետընթաց է ապրում, բայց այն հաղթահարված չէ: Մենք դեռ մեծ աշխատանք ունենք անելու ճգնաժամի հետևանքները հաղթահարելու համար»,- ասել է նա ԱՊՀ երկրների կառավարությունների ղեկավարների խորհրդի նիստից հետո տված մամուլի ասուլիսի ժամանակ:
Նա նշեց, որ վարչապետները համաձայնել են այս ուղղությամբ գործել համախմբված ձևով և պատրաստակամություն հայտնել փոխանակելու իրենց երկրների դրական փորձը:
«Մենք ճգնաժամի հետևանքների համակարգված հաղթահարման որոշակի գործողությունների ծրագիր ենք ընդունել»,- ասել է Լեբեդևը:-0-
