Մահացել է դերասան Սեմյոն Ֆարադան

Օգոստոսի 20-ի երեկոյան Մոսկվայի հիվանդանոցներից մեկում երկարատև ծանր հիվանդությունից հետո մահացել է թատրոնի և կինոյի հանրահայտ դերասան Սեմյոն Ֆարադան, ՌԻԱ Նովոստիին են հայտնել Կինոդերասանների գիլդիայից։

Սեմյոն Լևի Ֆարադան՝ ինքնատիպ դերերի հանճարեղ կատարողը, ով նկարահանվել է տասնյակ ֆիլմերում և աշխատել Տագանկայի թատրոնում իր ամենաաստեղային տարիներին, 76 տարեկան էր։

Տագանկայի Թատրոնում դերասանը խաղացել է «Բարի մարդը Սեզուանից» (երկրորդ Աստված), «Համլետ» (երկրորդ գերեզմանափոր), «Վարպետն ու Մարգարիտան» (տան կառավարիչ Բոսոյ, բուֆետապան Սոկով, կոնֆերանսյե Բենգալսկի), «Բաբելի հինգ պատմվածքներ» (Զագուրսկու աշակերտ) և այլն։

Նա եղել է խորհրդային և ռուսական կինեմատոգրաֆի ամենապահանջվածներից մեկը. խաղացել է «Այն նույն Մյունհգաուզենը», «Գարաժ», «Կախարդները», «Իմ ընկեր Իվան Լապշինը», «Սիրո բանաձևը», «Միլիոնը հարսանեկան  զամբյուղում», «Գարդեմարիններ, առաջ» և ավելի քան 60 ֆիլմերում։ Կինո և թատերական յուրաքանչյուր գործում Ֆարադային հաջողվում էր ստեղծել իր տիպիկ կերպարը ձայնի և զարմանալի արտաքին հմայքի շնորհիվ։

2000 թվականից Ֆարադան դադարել է նկարահանվել սրտի լուրջ վիրահատության պատճառով՝ դերասանին արհեստական փական են դրել։ Այս տարի նա ուղեղի կաթված տարավ, որից հետո դժվար դարձավ խոսելը։ Ֆարադան բազմաթիվ անգամներ հիվանդանոց է պառկել առողջական խնդիրների պատճառով։

Սեմյոն Ֆարադան Ռուսաստանի Սոցիալիստական Ֆեդերատիվ Խորհրդային Հանրապետության վաստակավոր արտիստ է (1991, Ռուսաստանի ժողովրդական արտիստ (1999), կինը Մարիա Պոլիցեյմակոն է, որդին՝ Միխայիլ Պոլիցեյմակոն։ -0-