Դինարա Սաֆինան հաջորդ շաբաթ կդառնա աշխարհի առաջին ռակետը

Ռուս թենիսիստուհի Դինարա Սաֆինան հաջորդ շաբաթ առաջին հորիզոնական է բարձրանում Թենիսի կանանց ասոցիացիայի (WTA) վարկանիշային աղյուսակում, հաղորդում է WTA-ի պաշտոնական կայքը։ Աղյուսակում նա կփոխարինի ամերիկուհի Սերենա Ուիլյամսին, ով 11 շաբաթ անընդմեջ պահում էր առաջատարի դիրքերը, հաղորդում է «ՌԻԱ Նովոստին»։

«Համաշխարհային վարկանիշում առաջին համար դառնալը մեծ պատիվ է, և դա յուրաքանչյուր աղջնակի երազանքն է, ով երբևէ ցանկացել է զբաղվել պրոֆեսիոնալ թենիսով», - հայտարարել է 22-ամյա Դինարա Սաֆինան։ «Ինձ համար դա նշանակալի իրադարձություն է նաև այն պատճառով, որ իմ եղբայր Մարատը եղել է աշխարհի առաջին ռակետը, և ես երջանիկ եմ, որ ինձ ևս հաջողվել է հասնել այդ գագաթնակետին։ Ես շատ հպարտ եմ իմ անցած արդյունքներով, չնայած չեմ թաքցնում, որ աշխարհի առաջին ռակետ ես կցանկանայի դառնալ այլ ոլորտներում։ Սակայն ես մտադիր եմ ապացուցել բոլորին, որ ես արժանի եմ լինել լավագույնը»։

Սաֆինան կդառնա երկրորդ ռուս թենիսիստուհին, ով կբարձրանա «վարկանիշային աղյուսակի» բարձրագույն աստիճանի վրա։ Ավելի վաղ դա հաջողվել էր միայն Մարիա Շարապովային (2005 թ.-ի օգոստոսին), ով ընդհանուր առմամբ գտնվել է բարձրունքում 17 շաբաթ։-0-