Մարտի 30-ից Ուկրաինայի ազգային բանկը, շարունակելով «Ուկրաինայի ճարտարապետական հուշարձաններ» շարքը, շրջանառության մեջ է դնում 10 գրիվնյա անվանական արժեքով «Սուրբ Խաչ վանական համալիր» հուշադրամը, հաղորդում է Analitika.at.ua կայքը։
Հուշադրամը պատրաստված է 925 հարգի արծաթից՝ 10000 հատ քանակով։
Ինչպես տեղեկացվում էր ավելի վաղ, 2008 թ.-ի ապրիլին Ղրիմի պատգամավորները որոշում են ընդունել առաջարկել Ուկրաինայի ազգային բանկի Ղրիմի գլխավոր վարչությանը՝ նախաձեռնել Սուրբ Խաչ հայկական վանական համալիրի 650-ամյակին նվիրված հուշադրամի թողարկումը։
Սուրբ Խաչ հայկական վանական համալիրը պետական նշանակության հուշարձան է, որը մի քանի հարյուրամյակ ուկրաինայի հայերի հոգևոր կենտրոնը և ուխտագնացության վայրն է։ Տարբեր ժամանակներում այստեղ ապրել և աշխատել են հայկական մշակույթի բազմաթիվ գործիչներ։ 2008 թ.-ին վանական համալիրը դարձավ 650 տարեկան։-0-
