ԵԽԽՎ-ն կամենում է ստեղծել վրաց-հարավօսական հակամարտության հատուկ կոմիտե

ԵՐԵՎԱՆ, 28 հունվարի. /Նովոստի-Արմենիա/. Եվրոպայի Խորհրդի Խորհրդարանական Վեհաժողովի (ԵԽԽՎ) Ռուսաստանի հարցով զեկուցող Լյուկ վան դեն Բրանդեն չորեքշաբթի ԵԽԽՎ Հարավային Օսեթիայի մասով բանավեճի ընթացքում առաջարկեց ստեղծել հատուկ խորհրդարանական կոմիտե՝ վրաց-հարավօսական հակամարտության գոտում իրավիճակի կարգավորումը քննարկելու նպատակով։

«Մենք առաջարկում ենք (տարածաշրջանում) իրավիճակի վերաբերյալ հատուկ կոմիտե ստեղծել. կարելի է հրավիրել Ռուսաստանի և Վրաստանի խորհրդարանականներին... Կամենում ենք ընդգրկել Օսեթիայի և Աբխազիայի ներկայացուցիչներին»,- ասաց նա՝ բացելով Ռուսաստնի կողմից Հարավային Օսեթիայի մասով հոկտեմբերյան բանաձևի կատարման քննարկումը։

Խոսելով տարածաշրջանում ընթացիկ իրավիճակի մասին՝ Բրանդեն դիմեց ռուսական կողմին «տարածաշրջանում խաղաղություն և անվտանգություն երաշխավորելու» խնդրանքով։ Նա խնդրեց նաև ռուսական իշխանություններին ուշադրություն դարձնել մարդու իրավունքների պահպանությանն այդ շրջանում։ -0-