Մոսկվայի և Համայն Ռուսիո Ալեքսի Երկրորդ Պատրիարքը, ում երեքշաբթի վերջին հրաժեշտն են տալիս, իրենից հետո Ռուս ուղղափառ ամրապնդված եկեղեցի թողեց և վերականգնեց երկխոսությունը նրա և հասարակության միջև՝ հնարավորինն անելով Ռուսաստանի հոգևոր կյանքի վերածննդի համար, հայտարարեց պատրիարքական աթոռի տեղապահ Սմոլենսկի և Կալինինգրադի միտրոպոլիտ Կիրիլը։
«Այսօր Սրբազնագույնը, կանգնած Աստծո առջև, կարող է ասել, որ թողել է այլ եկեղեցի. դա այլևս թույլ եկեղեցի չէ։ Մեր ձեռքերն ու ոտքերը չեն դողում, որովհետև եկեղեցին իր ժողովրդի հետ է , որովհետև հոգևորը նյութականացել է, որովհետև միլիոնավոր մարդիկ գիտակցեցին, որ առանց Աստծո և Նրա ճշմարտության չի կարող լինել նաև մարդկային ճշմարտություն»,- ասաց նա Քրիստոս Փրկչի տաճարում Ալեքսի պատրիարքի հոգեհանգստյան արարողության ժամանակ, որին ներկա են նախագահ Դմիտրի Մեդվեդևը և վարչապետ Վլադիմիր Պուտինը, հաղորդում է «ՌԻԱ Նովոստին»։
«Սրբազնագույնը շատ ջանք է ներդրել, որպեսզի հիմնվեն հազարավոր տաճարներ, մենաստաններ, որպեսզի վերածնվի հագևոր կյանքը, որ հաստատվի եկեղեցու և հասարակության երկխոսությունը»,- ընդգծեց Կիրիլը։
Ըստ նրա, Ալեքսի Երկրորդը հասկանում էր, որ ՌՈՒԵ միակն է, որ պահպանում է Սուրբ Ռուսիո ավանդույթները, հիշատակն ու արժեքները։
«Սրբազնագույնը միշտ հարգանքով է վերաբերվել պատմական Ռուսաստանի տարածքում առաջացած պետության ինքնավարությանը, նա հասկանում էր, որ այդ բաժանումները չեն կարող բաժանել արժեքների միասնական համակարգը, որոնք առաջացել են ուղղափառության հիմքի վրա»,- ասաց նա՝ հավելելով, որ լուսահոգի պատրիարքը գտնում էր, որ սուրբ Ռուսիո արժեքը «ժամանակակից մարդկային քաղաքակրթության հզոր հենասյուն է»։
«Եվ այդ պատճառով նա պաշտպանում էր սուրբ Ռուսիո Եկեղեցու միասնությունը՝ չնայած բոլոր մարտահրավերներին, փորձություններին և դժվարություններին»,- ընդգծեց մետրոպոլիտ Կիրիլը։
Ալեքսի Եկրորդը մահացավ դեկտեմբերի 5-ին իր՝ Պերեդելկինոյի նստավայրում կյանքի 80-րդ տարում և քահանայապետության ծառայության 19-րդ տարում։ Երեքշաբթի նրա մարմինը կամփոփվի Մոսկվայի Բոգոյավլենսկի (Ելոխովսկի) մայր տաճարի տարածքում։ -0-
