Մոսկվայի Արմեն Ջիգարխանյանի թատրոնին հավելյալ տարածք կհատկացվի
27.03.2008,
12:03
Մոսկվայի Արմեն Ջիգարխանյանի թատրոնին հավելյալ տարածք կհատկացվի
Արմեն Ջիգարխանյանի ղեկավարած մոսկովյան հայտնի թատրոնին մայրաքաղաքի իշխանությունները քաղաքի կենտրոնում հավելյալ տարածք կհատկացնեն, «ՌԻԱ Նովոստիին» հայտնել է քաղաքային աշխատակազմի աղբյուրը։
«Նոր ոչ բնակելի տարածքը գտնվում է Կոոպերատիվնայա փողոցում, որտեղ էլ գտնվում է թատրոնը։ Տարածքի ընդհանուր մակերեսը մոտ 225 քառակուսի մետր է»,-ասել է գործակալության զրուցակիցը։
Նրա խոսքերով, այնտեղ կտեղակայվեն գրիմանոցը և փորձերի դահլիճը։ Ջիգարխանյանի ղեկավարած՝ Մոսկվայի դրամատիկական թատրոնը ստեղծվել է 1996 թ. մարտին՝ ԿՀՊ ինստիտուտի կուրսի շրջանավարտների խմբի հիման վրա՝ Մոսկվայի կառավարության մշակույթի կոմիտեի հրամանագրով։-0-
Պատճենել հղումը
