ՄԱԿ-ը չի աջակցում Աբխազիայում ռուսաստանյան խաղաղապահների փոխարինման գաղափարը. ՌԴ մշտական ներկայացուցիչ Չուրկին

ԵՐԵՎԱՆ, 14 դեկտեմբերի./Նովոստի-Արմենիա/. ՄԱԿ-ը չի աջակցում վրաց-աբխազական հակամարտության գոտում ռուս խաղաղարար անձնակազմը փոխարինելուն, ուրբաթ հայտարարել է ՄԱԿ-ում Ռուսաստանի մշտական ներկայացուցիչ Վիտալի Չուրկինը «ՌԻԱ Նովոստիի» կազմակերպած հեռուստակամրջի ժամանակ։

«Վրաստանը բազմիցս ՄԱԿ-ի ղեկավարության և Անվտանգության խորհրդի առջև բարձրացնում է վրաց-աբխազական հակամարտության գոտում ԱՊՀ խաղաղարար ուժերի փոխարինման հարցը։ Փախստականների վերադարձի մասին բանակցություններ վարելու փոխարեն Թբիլիսին զբաղվում է սադրանքներով։ ՄԱԿ-ում չեն աջակցում Աբխազիայում առկա խաղաղապահ ուժերի ձևաչափի փոխարինմանը»,- «ՌԻԱ-Նովոստիի» հաղորդմամբ՝ ասել է Չուրկինը։--0--