«Գազպրոմը» կվերանայի ներդրումային ծրագրի և բյուջեի փոփոխությունները

«Գազպրոմ» ԲԲԸ-ի տնօրենների խորհուրդը չորեքշաբթի կվերանայի 2007 թ.-ի ներդրումային ծրագրի և բյուջեի փոփոխությունները (ֆինանսական ծրագիր), ասվում է «ՌԻԱ Նովոստիին» ուղարկված հոլդինգի հաղորդագրության մեջ։

Բացի այդ, նիստի ժամանակ կքննարկվի աուդիտորական կազմակերպության պարգևատրման հարցը՝ 2007 թ.-ի «Գազպրոմի» հաշվապահական հաշվետվության աուդիտի համար ։ Հունիսի 29-ին կապույտ վառելիքի հոլդինգի բաժնետերերի ժողովը «ՓրայսվոտերհաուսԿուպերս» ՓԲԸ-ին հաստատել է, որպես աուդիտոր։  

Տնօրենների խորհրդի անդամները նաև կքննարկեն ընկերության բաժնետերերի ընդհանուր նիստի գումարման հետ կապված առաջարկությունների և բաժնետերերի պահանջների ձևակերպումների ընթացակարգը։ Օրակարգում ներառված է 2007 թ.-ի երկրորդ կիսամյակի տնօրենների խորհրդի աշխատանքային պլանի, ինչպես նաև տնօրենների խորհրդի կազմում  աուդիտի և գնահատման հարցերով զբաղվող կոմիտեների  ձևավորման  հարցը։   

Նիստի ընթացքում կքննարկվեն նաև «Գազպրոմի» տնօրենների խորհրդի իրավասությանը վերաբերող այլ հարցեր։ Գազի  հոլդինգում չեն պարզաբանել, թե ներդրումային ծրագրի և բյուջեի կոնկրետ ինչ փոփոխություններ են պլանավորված քննարկել բաժնետերերի տարեկան հնդհանուր ժողովից հետո տնօրենների խորհրդի առաջին նիստի ժամանակ։  

Հունիսի վերջին տեղի ունեցած բաժնետերերի ժողովի ժամանակ խոսքը գնում էր 2007 թ.-ին Ռուսաստանի տարածաշրջանների գազաֆիկացման ծախսերը 14,8%-ով ավելացնելու մասին՝ հասցնելով այն 20,2 միլիարդ ռուբլու, ինչպես նաև շուկայում Եվրոպայի էլեկտրոէներգիայի առկայության ընլայնման մասին։

Մասնավորապես, Gazprom Marketing and Trading Ltd կազմակերպությունը («Գազպրոմ» ԲԲԸ-ի դուստր կառուցվածքը, որը համակարգում է գազի հոլդինգի գործունեությունը արտասահմանում) ծրագրում է ավելացնել բաժնեմասերը Ֆրանսիայի, Նիդերլանդների, Բելգիայի, Իռլանդիայի և Գերմանիայի  էլեկտրոէներգիայի շուկաներում։  

Բացի այդ, «Գազպրոմի» գործունեության նոր ուղղությունն է դարձել Եվրոպական երկրներում ածխաթթու գազի արտանետման քվոտաների առևտուրը։--0—