ԵՐԵՎԱՆ, 27 մայիսի./Նովոստի–Արմենիա/. Նախկին նախագահ Սերժ Սարգսյանի եղբայր Ալեքսանդր Սարգսյանը լքել է Հայաստանի տարածքը, «Նովոստի-Արմենիա» գործակալությանը հայտնեց Ազգային անվտանգության ծառայության մամուլի խոսնակ Սամսոն Գալստյանը:
Սարգսյանին մեղադրանք է առաջադրվել ԱԱԾ-ում հարուցված քրեական գործով ՀՀ ՔՕ 178 հոդվածի 3-րդ մասի 1 կետով (Խարդախությունը, որը կատարվել է առաանձնապես խոշոր չափերով):
«Քննություն իրականացնող մարմինը թույլ է տվել Սարգսյանին որոշ ժամանակով մեկնել երկրից բուժման նպատակով»,- ասաց նա:
2018 թվականի աշնանը Նիկոլ Փաշինյանը հայտարարել է, որ Սերժ Սարգսյանի եղբայրը` Ալեքսանդր Սարգսյանը, համաձայնել է պետբյուջե վերադարձնել 30 մլն դոլար: Փաշինյանն ասել է, որ «դրանք այն փողերն են, որոնք Ալեքսանդր Սարգսյանն ավելի վաղ հավաքում էր բիզնեսից, ինչի համար ստացել է «Սաշիկ 50%» մականունը»:
ԱԱԾ քննչական վարչության որոշմամբ Ալեքսանդր Սարգսյանի գույքի վրա 2018 թվականի հուլիսի 9-ին արգելանք է դրվել: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
