Ռուբեն Ռուբինյանը կգլխավորի ԵԽԽՎ-ում Հայաստանի պատվիրակությունը

ԵՐԵՎԱՆ, 19 հունվարի. /Նովոստի-Արմենիա/. Եվրոպայի խորհրդի խորհրդարանական վեհաժողովում Հայաստանի պատվիրակությունը կղեկավարի Ազգային ժողովի «Իմ քայլը» խմբակցության պատգամավոր Ռուբեն Ռուբինյանը: Այս հայտնում է խորհրդարանի մամուլի ծառայությունը։

Պատվիրակության կազմում ընդգրկված են նաև Հովհաննես Իգիթյանը («Իմ քայլը»), Նաիրա Զոհրաբյանը («Բարգավաճ Հայաստան») և Էդմոն Մարուքյանը («Լուսավոր Հայաստան»):


Ինչպես նշվում է հաղորդման մեջ, պատվիրակության կազմում որպես փոխարինողներ կլինեն Վլադիմիր Վարդանյանը («Իմ քայլը»), Սոս Ավետիսյանը («Իմ քայլը»), Տաթև Հայրապետյանը («Իմ քայլը») և Միքայել Մելքումյանը («Բարգավաճ Հայաստան»):

Հիշեցնենք, որ ավելի վաղ Ռուբեն Ռուբինյանն ընտրվել է ԱԺ արտաքին հարաբերությունների մշտական հանձնաժողովի նախագահ։ -0-