ԵՐԵՎԱՆ, 2 ապրիլի. /Նովոստի-Արմենիա/. Հայաստանի ԿԸՀ վերահսկիչ–վերստուգիչ ծառայության պետ Տիգրան Բաբիկյանը կիրակի լրագրողներին ներկայացրել է խորհրդարանական ընտրություններին մասնակցած քաղաքական ուժերի քարոզարշավների վրա ծախսած միջոցների տվյալները։
Ինչպես նշեց Բաբիկյանը, «Ելք» դաշինքը կազմել է 42.4 մլն դրամ, որոնցից նախընտրական քարոզարշավի ընթացքում ծախսվել է 41.6 մլն դրամ, «Ազատ դեմոկրատներ» կուսակցության ֆոնդը կազմել է մոտ 9.5 մլն դրամ, որոնցից ծախսվել է 9.4 մլն դրամ։
«Միաժամանակ, «Հայկական վերածնունդ» կուսակցության նախընտրական ֆոնդը կազմել է 72.3 մլն դրամ, և գործնականորեն ամբողջ գումարը ծախսվել է։ «Ծառուկյան դաշինքի» ֆոնդը կազմել է 157.3 մլն դրամ, որոնցից ծախսվել է մոտ 155.2 մլն դրամ»,– ավելացրեց Բաբիկյանը։
Նա նշեց, որ «Կոնգրես–ՀԺԿ» դաշինքի նախընտրական ֆոնդը կազմել է մոտ 74.9 մլն դրամ, բայց ծախսել է 74.7 մլն դրամ։
«Հայաստանի հանրապետական կուսակցության ֆոնդը հավաքած 393.1 մլն դրամից ծախսել են 379.9 մլն դրամ։ Հայաստանի կոմունիստական կուսակցության ֆոնդը կազմել է մոտ 9.5 մլն դրամ, միաժամանակ, ծախսվել է 9.3 մլն դրամ։ «Օհանյան–Րաֆֆի–Օսկանյան» դաշինքի ֆոնդը կազմում էր համարյա 88.8 մլն դրամ, որոնցից ծախսվել է 88.7 մլն դրամ։ ՀՅ Դաշնակցության ֆոնդը կազմում էր 30.63 մլն դրամ, որոնցից ծախսվել է 30.62 մլն դրամ»,– ասաց Բաբիկյանը։
Ընդհանուր առմամբ, բոլոր ուժերի ընդհանուր ֆոնդը գերազանցել է 878 մլն դրամը, որոնցից ծախսվել է մոտ 861 մլն դրամ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում