ԵՐԵՎԱՆ, 17 նոյեմբերի. /Նովոստի–Արմենիա/. Հայաստանի Կենտրոնական բանկի նախագահ Արթուր Ջավադյանը հինգշաբթի խորհրդարանում նշեց Հայաստանում ներդրումների համար առավել գրավիչ երեք ոլորտները։
«Ես անձնական բիզնես չունեմ, դրանով չեմ զբաղվում, բայց խորհուրդ կտամ, որ, նախևառաջ, Հայաստանում ներդրումներ կատարվեն տեղեկատվական և բարձր տեխնոլոգիաների ոլորտի սթարթափերում, որոնք ավելի հաջող ու ակտիվ են զարգանում»,– ասաց Ջավադյանը։
«Երկրորդ ուղղությունը բարձր տեխնոլոգիաներն ու էներգետիկան են, այդ թվում` վերականգնվողը։ Հարկ է ուշադրություն դարձնել նաև այլընտրանքային էներգետիկայի մյուս ուղղություններին։ Տվյալ ուղղությամբ գոյություն ունեն որոշակի էկոլոգիական հարցեր, մասնավորապես, ջրային պաշարների սահմանափակ լինելու հետ կապված, բայց հարկ է ուշադրություն դարձնել նաև այլընտրանքային էներգետիկայի մյուս ուղղություններին։ Մենք չենք օգտագործում արևային էներգետիկան, թեև կան հետաքրքիր ծրագրեր, մատչելի ռեսուրսներ շահավետ տոկոսադրույքներով, որոնք կարելի է օգտագործել տվյալ ուղղությամբ»,– ասաց Ջավադյանը։
«Երրորդ ուղղությունը գյուղատնտեսության ոլորտի բարձր տեխնոլոգիաներն են և անասնաբուծությունը, որտեղ ճիշտ ընտրված ուղղության դեպքում կարելի է հիանալի արդյունքներ գրանցել։ Ես անձամբ օրեր առաջ այցելեցի հայկական մենատնտեսություններից մեկը, որը ստեղծվել էր ֆրանսիացիների նախաձեռնությամբ, և կարող եմ ասել, որ այն ֆանտաստիկ արդյունքներ է ցույց տալիս, նրանք արտադրանքն ամբողջությամբ արտահանում են Ռուսաստան, ինչը հատկապես կարևոր է այն դժգոհությունների ֆոնին, որ բազմաթիվ գործարարներ դժգոհում են արտահանողական խոչընդոտներից»,– ասաց Ջավադյանը։ -0-
